სრულიად ლოგიკურია მისი გადაწყვეტილება, რომ ახალ გუნდს, რომელმაც გამოიარა გარკვეული პოლიტიკური გამოცდები, გადასცეს მთელი პასუხისმგებლობა

სრულიად ლოგიკურია მისი გადაწყვეტილება, რომ ახალ გუნდს, რომელმაც გამოიარა გარკვეული პოლიტიკური გამოცდები, გადასცეს მთელი პასუხისმგებლობა - თალაკვაძე ივანიშვილზე

პოლიტიკა - 15:05, 11 Jan, 2021

595

საქართველოს პარლამენტის თავმჯდომარე არჩილ თალაკვაძე ივანიშვილის პოლიტიკიდან წასვლას ეხმაურება და მადლობას უხდის მას ქვეყნისთვის გაწეული სამსახურისთვის. სპეციალურ ბრიფინგზე თალაკვაძემ ის დამსახურებებეი ჩამოთვალა, რომლის გამოც ივანიშვილის გუნდში ყოფნით ამაყობს:
"ვფიქრობ, რომ მან ძალიან საინტერესო წერილი გამოაქვეყნა, სადაც სრულად საუბრობს იმ არგუმენტაციაზე, რომლითაც იხელმძღვანელა ამ გადაწყვეტილების მიღების დროს. მნიშვნელოვანია, რომ ჩვენ მივცეთ პოლიტიკური შეფასება და ასევე მსურს, ადამიანურად მადლობა გადავუხადო მას გაწეული საქმიანობისთვის, ვინაიდან სწორედ ბიძინა ივანიშვილის ლიდერობით "ქართულმა ოცნებამ" და ჩვენმა პოლიტიკურმა გუნდმა, ჩვენმა ქვეყანამ შეძლო ამ წლების განმავლობაში ძალიან მნიშვნელოვანი პროგრესის უზრუნველყოფა ყველა იმ მიმართულებით, რომელიც დემოკრატიულ, განვითარებულ ქვეყნებს ახასიათებთ. დავიწყებდი დემოკრატიის კონსოლიდაციით, გაძლიერებით - ეს იყო საკონსტიტუციო რეფორმა, თავისუფალი და კონკურენტული არჩევნები, ინსტიტუციური რეფორმები, რომლის შედეგადაც ხელისუფლების შტეობს შორის ფუნქციების გამიჯნვა მოხდა და მოხდა ინსტიტუციური დემოკრატიის განხორციელება. რა თქმა უნდა, ამ მიმართულებით ჩვენ განვაგრძობთ სამუშაოს და რეფორმებს. მეორე მნიშვნელოვანი მიმართულება, სადაც ქვეყანას აქვს ხელშესახები პროგრესი, ეს არის ადამიანის უფლებების დაცვა, სადაც, დაწყებული პენიტენციური სისტემის რეფორმიდან გაგრძელებული სხვა დემოკრატიული რეფორმებით, რომელიც ეხებოდა მედიის თავისუფლებას, ეხებოდა სასამართლოს, ეხებოდა აზრის გამოხატვის თავისუფლებას, სხა ფუნდამენტურ უფლებებს, ამ მიმართულებით საერთაშორისო შეფასებებით საქართველოს აქვს ხელშესახები პროგრესი. შემდეგი ეს არის ბიზნესის თავისუფლება და საკუთრების უფლების დაცვა, რომელიც იყო პრობლემური წინა ხელისუფლების მმართველობის პერიოდში, დღეს ბიზნესი არის თავისუფალი და საკუთრების უფლება ჩვენს ქვეყანაში არის დაცული. ჩვენ ამ წლების განმავლობაში ბიძინა ივანიშვილის ლიდერობით შევძელით პასუხისმგებლიანი და შედეგიანი საგარეო პოლიტიკის გატარება, რომლითაც საქართველომ ევროპული და ვეროალანტიკური ინტეგრაციის გზაზე მნიშვნელოვან პროგრესს მიაღწია - ეს იყო უვიზო რეჟიმი, თავისუფალი ვაჭრობის ხელშეკრულება, ევროკავშირთან ასოცირების ხელშეკრულება. ამ წლების განმავლობაში საქართველო გახდა საიმედო პარტნიორი უსაფრთოების თვალსაზრისით დასავლეთისთვის, ჩვენთვის ნომერ პირველ პარტნიორისთვის აშშ-სთვის, ევროკავშირისთვის და, რა თქმა უნდა, ეს მოხდა როგორც უსაფრთოხების განმტკიცებით, ისე საქართველოს თავდაცვის შესაძლებლობების რეფორმით ნატოს სტანდარტებთან მიმართებაში.
ივანიშვილმა მნიშვნელოვნად შეუწყო ხელი დემოკრატიული ინსტიტუტების გაძლიერებას, სრულიად ლოგიკურია მისი გადაწყვეტილება, რომ ახალ გუნდს, რომელმაც გამოიარა გარკვეული პოლიტიკური გამოცდები, გადასცეს მთელი პასუხისმგებლობა მმართველობაზე. მინდა ჩემი მხრივ გითხრათ, რომ ჩვენი პოლიტიკური გუნდი მზად არის ეს პასუხისმგებლობა პირნათლად განახორციელოს ჩვენი საზოგადოების წინაშე" - განაცხადა არჩილ თალაკვაძემ.

შეგახსენებთ, რომ დღეს ივანიშვილმა ღია წერილი გაავრცელა, სადაც მისი პოლიტიკიდან წასვლის შესახებ წერია ინფორმაცია.