სტუდენტები ონლაინ სწავლების პირობებში სწავლის გადასახადის შემცირებას ითხოვენ. ახალგაზრდებმა პეტიციით უკვე მიმართეს განათლების სამინისტროს და მთავრობის მეთაურ გახარიას.

"მათ დაგვივიწყეს ყველაზე მძიმე პერიოდში, როდესაც სტუდენტებს გვჭირდებოდა მთავრობის დახმარება. მთავრობა შეიძლება გამოვიდეს და თქვას, რომ ჩვენ გავაკეთეთ შეზღუდვები სტუდენტებისთვის მაგრამ ეს ყველაფერი არის დამცინავი", - ამბობს გიორგი კაციაშვილი, სტატუს შეჩერებული სტუდენტი.

სტუდენტური ომბუდსმენის აპარატის დამფუძნებელი თაკო მეტრეველი კი ამბობს, რომ გაორმაგებულია "კოვიდპანდემიის დაწყების შემდეგ სტატუს შეჩერებულ სტუდენტთა რაოდენობა."