მთავრობის მიერ მიღებულ ამნისტიის კანონპროექტს ოპოზიციაში მწვავე შეფასებები მოყვა - ოპოზიციის შეფასებით, 2020 წლის არჩევნებში "ოცნების" მხარდამჭერებისთვის გაღებული ხარკია ეს კანონპროეტი.

"ნაციონალურ მოძრაობის" ერთ-ერთი ლიდერის , ზაალ უდუმაშვილის განცხადებით, ამბობენ, ამნისტია შეეხო მხოლოდ იმათ, ვინც "ოცნებას" არჩევნების მოსაგებად დაეხმარა.

"ის რასაც დღეს აკეთებს "ქართული ოცნება" ეს არ არის ამნისტია, ეს არის პოლიტიკური ამნისტია და პოლიტიკური ხარკის გადახდა, იმ კრიმინალების მიმართ, რომლებიც მას ეხმარებოდნენ არჩევნების პერიოდში. ბუნებრივია ეს იყო დაპირება, რომ თქვენ დაგვეხმარეთ არჩევნებში და შემდეგ ჩვენ დაგეხმარებით, რომ თქვენი ახლობლები, რომლებიც ციხეებში არიან, ისინი გარეთ იყვნენ და სწორედ ამის მიხედვით განისაზღვრა ის მუხლები, ვისაც შეეხო ამნისტია და სწორედ ამას მოჰყვა ის სამართლიანი პროტესტი რაც დღეს ციხეებშია" – აცხადებს უდუმაშვილი.

"ევროპულ საქართველოს" ერთ-ერთი ლიდერი, გიგა ბოკერიას განმარტებით, ეს ამნისტია არის ინსტრუმენტი, რომლითაც "ოცნებამ" კრიმინალური სამყაროს ჯგუფები მოისყიდა.

"კონტრაქტის, შეთანხმების შესრულებას ემსახურება [ამნისტიის კანონპროექტი] ეს ეჭვი გაჩნდა თავიდანვე და გაძლიერდა, როდესაც პოლიტპატიმარ რურუაზე მუხლი ამოიღეს, ამ ამნისტიით გამოდის, რომ იარაღი თუ უბრალოდ გქონდა – არ გიშვებენ, თუ ვინმეს დაჭრიდი – გიშვებენ, ეს ამნისტია არის ინსტრუმენტი, რომლითაც კრიმინალური სამყაროს ჯგუფები მოისყიდეს" , – ბოკერია.

ოპოზიციის კრიტიკას პასუხუხობს მმართველი გუნდიც - პარლამენტის ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარის, მიხეილ სარჯველაძის , ამნისტიის კანონპროექტის ავტორის, განმარტებით, ამნისტია პოლიტიკური საქმეების გადაჭრას არ შეეხება და ამნისტიის პოლიტიკურ ვალდებულებებთან დაკავშირება არასწორია.

"კონკრეტულ საქმეებს, რომლებზეც არსებობს საზოგადოებრივი ინტერესი და ზოგიერთ შემთხვევაში, მოიხსენიებენ ამას, როგორც მნიშნველოვან თემას, მიმდინარე პოლიტიკურ მოლაპარაკებებში – ამას წარდგენილი ამნისტიის კანონპროექტი არ ითვალისწინებს, ასევე იმ მუხლებს, რომლებზეც არის საუბარი ამ საქმეებში, ჩვენი ამნისტია არ მოიზარებს" - განაცხადა სარჯველაძემ.

ცნობისთვის, არჯველაძის ინფორმაციით, ამნისტია შეეხება – 1500 პატიმარს, 6000 პრობაციონერს, 4000 სისხლის სამართლის საქმეებთან დაკავშირებით გამოწერილ ჯარიმებს.

აქვე, ამნისტიის შესახებ კანონპროექტს, პარლამენტი, მესამე მოსმენით, მომავალ კვირაში დაამტკიცებს და ის მიღებიდან ერთ თვეში უნდა ამოქმედდეს.