აქცია იუსტიციის სამინისტროსთან - სამოქალაქო აქტივისტებმა პატიმრებს სოლიდარობის ნიშნად სადეზინფექციო ხსნარები, თერმომეტრები და პირბადეები მიიტანეს.

სამოქალაქო აქტივისტები აცხადებენ, რომ ციხეებში ეპიდაფეთქებაა და ამ ფონზე, ხელისუფლება და ის უწყება, რომელსაც ზედამხედველობა და პატიმრების ჯანმრთელობის დაცვა ევალება, არაფერს აკეთებს.

მათივე თქმით, მათ ამ აქციით ხელისუფლებას შეახსენეს მათი მოვალეობები.

"ჩვენ სიმბოლურად მოვიტანეთ ის პირველადი საშუალებები - პირბადეები, სიცხის საზომები, რომლითაც მათ მივუთითეთ და ვაჩვენეთ რეალურად რომ თავისი მოვალეობები შეასრულონ - ამბობს გიორგი მუმლაძე.

"ელემენტარული პირბადე და სიცხის საზომი არ აქვთ და მოვუწდებთ მთავრობას, რომ პატიმარს, რომელიც უმწეოა და ჩაკეტილია საკანში, მიხედონ" - ამბობს სამოქალაქო აქტივისტი ნიკა ნარსია.

სამინისტროსთან მისულებს მათ ადგილზე სამართალდამცველები დახვდნენ , მათ არ მისცეს ტერიტორიაზე შესვლის საშუალება, რასაც მოჰყვა შელაპარაკება და დაპირისპირება.