ეს ნიშნავს რომ დემოკრატიის ძალებმა გაიმარჯვეს , ბაიდენის ინაუგურაციამ უნდა "გახსნას ახალი თავი" ამერიკის დემოკრატიაში

ეს ნიშნავს რომ დემოკრატიის ძალებმა გაიმარჯვეს , ბაიდენის ინაუგურაციამ უნდა "გახსნას ახალი თავი" ამერიკის დემოკრატიაში - მერკელი

პოლიტიკა - 15:52, 07 Jan, 2021

1128

გერმანიის კანცლერი ანგელა მერკელი გაბრაზებული და დამწუხრებულია აშშ-ს კონგრესზე განხორციელებული ძალადობრივი შეტევების გამო , - ამის შესახებ მან გერმანიის დეპუტატებთან შეხვედრაზე განაცხადა.

მისი თქმით, რჩევნების შედეგებთან დაკავშირებით ეჭვები გაღრმავდა და ამან შექმნა ატმოსფერო, რამაც შესაძლებელი გახადა წუხანდელი მოვლენები.

მეკრელი მიესალმა ჯო ბაიდენის განცხადებას და იმ ფაქტს, რომ კონგრესმა განაგრძო მისი პრეზიდენტად დამტკიცების სხდომა და ღნიშნა, რომ ბაიდენის ინაუგურაციამ უნდა "გახსნას ახალი თავი" ამერიკის დემოკრატიაში.

"ღრმად ვწუხვარ, რომ პრეზიდენტმა ტრამპმა არ აღიარა დამარცხება ნოემბრის შემდეგ და კიდევ ერთხელ გუშინ. არჩევნების შედეგებთან დაკავშირებით ეჭვები გაღრმავდა და ამან შექმნა ატმოსფერო, რამაც შესაძლებელი გახადა წუხანდელი მოვლენები.

ეს ნიშნავს, რომ დემოკრატიის ძალებმა გაიმარჯვეს, ეს არის ის, რაც ყოველთვის ვიცოდი შეერთებული შტატების შესახებ და ველოდი", - განაცხადა მერკელმა.

ცნობისთვის, კონგრესმა ბაიდენი პრეზიდენტად სხდომის ჩაშლის მცდელობის მიუხედავად დღეს მაინც გააფორმა. სულ სენატმა 531 ხმა დაითვალა, აქედან ჯო ბაიდენმა 306 მიიღო, ტრამპმა კი 232.

შეგახსენებთ, რომ 6 იანვარს ვაშინგტონში, კაპიტოლიუმთან მიმდინარე ტრამპის მხარდამჭერების აქცია დაირისპირებაში გადაიზარდა. დემონსტრანტებმა ბარიერი გაარღვიეს და შენობაში შეიჭრნენ. კონგრესში ევაკუაცია გამოცხადდა, ქალაქში კი - კომენდანტის საათი.

შეწყდა სხდომა, რომელზეც არჩევნების შედეგები უნდა დაემტკიცებინათ. სწორედ ამას აპროტესტებდნენ ტრამპის მხარდამჭერები, რადგან მოქმედ პრეზიდენტს სჯერა, რომ მან გაიმარჯვა და არჩევნები გაყალბდა.