ე.წ კარტოგრაფების საქმეზე დაკავებული ივერი მელაშვილი ოლიგარქს ახალ წელს პირადად ულოცავს და წერილს წერს.

პოლიტპატიმარი ივანიშვილს ირონიით წერს , რომ პირადად მას ეკუთვნის გამარჯვებულის ლავრა.

მელაშვილის თქმით, ხელისუფლების ყველა შტო მხოლოდ ერთი ადამიანის ხელშია მოქცეული და სასამართლო ხელისუფლებაც მხოლოდ მის დავალებებს ასრულებს.

კარტოგრაფი მიიჩნევს, რომ მისი დაკავება პოლიტიკური მოტივით მოხდა, რაც ხელისუფლების ოპონენტების დევნაა.

"მინდა მოგილოცოთ დამდეგი 2021 წელი ბატონო ბიძინა, რამეთუ პირადად თქვენ გეკუთვნით გამარჯვებულის ლავრა.

საკუთარ თავზე გამოვცადე თქვენი მთავრობის და მართლმსაჯულების უსამართლობა - ამიტომაც ვზივარ ციხეში. მაგრამ, უფრო მთავარი სხვა რამეა. ჩემ წინააღმდეგ აღძრული საქმე ემსახურება ორ მიზანს: წინასაარჩევნო ტრიუკის ჩატარებას, პოლიტიკური ოპონენტების გასაშავებლად ბინძური და უღირსი მეთოდით და საქართველოს პარტნიორ ქვეყანასთან ურთიერთობების გაფუჭებას, ჩვენი მტრის - რუსეთის ფედერაციის საამებლად. ეს ორივე მიზანი უკიდურესად საზიანოა ჩვენი ქვეყნისთვის", - ვკითხულობთ მელაშვილის წერილში.