პარლამენტის დიასპორისა და კავკასიის საკითხთა კომიტეტის თავმჯდომარე, ბექა ოდიშაია საქართველოს "ქართული ოცნების" თავმჯდომარეს, ბიძინა ივანიშვილს, საფრანგეთის საპატიო ლეგიონის ორდენის კავალერის ტიტულის მინიჭებას ულოცავს.

"ვულოცავ ბატონ ბიძინა ივანიშვილს პრესტიჟულ ჯილდოს - საფრანგეთის საპატიო ლეგიონის ორდენის კავალერის ტიტულს! დიდი მადლობა ემანუელ მაკრონს, საფრანგეთის პრეზიდენტს, ქართველი მეცენატის, პოლიტიკოსის და საზოგადო მოღვაწის ღვაწლის, დაფასებისათვის! ამ ორდენის დევიზია „ღირსება და სამშობლო" - ორივეს მსახურება უპირობოდ შეეფერება მის განვლილ ცხოვრებისეულ გზას და მოღვაწეობას მრავალი მიმართულებით. მომავალშიც ვუსურვებ ბატონ ბიძინა ივანიშვილს და მის ოჯახს ნაყოფიერ საქმიანობას და საერთო გამარჯვებებს ჩვენი ქვეყნის საკეთილდღეოდ", - განაცხადა ოდიშარიამ.

ცნობისთვის, საფრანგეთის პრეზიდენტ ემანუელ მაკრონის ბრძანებით, მილიარდელი ბიძინა ივანიშვილი საფრანგეთის საპატიო ლეგიონის ორდენით 31 დეკემბერს დაჯიდლოვდა. ჯილდოს საფრანგეთის მთავრობა უმაღლესი სამხედრო და სამოქალაქო მიღწევებისთვის გასცემს.

ივანიშვილი პირველი ქართველია, რომელსაც ეს ჯილდო გადაეცა. საფრანგეთის მთავრობამ წელს ჯილდო ძირითად შემთხვევებში პანდემიასთან ბრძოლაში შეტანილი განსაკუთრებული წვლილისთვის გასცა. ივანიშვილს ჯიდლო, სავარაუდოდ, 2020 წლის 23 მარტის გადაწყვეტილებისთვის გადაეცა, როდესაც მისმა ოჯახმა კორონავირუსის საწინააღმდეგო სახელმწიფო ფონდში 100 მილიონი ლარი გადარიცხა.