პრეზიდენტი, სალომე ზურაბიშვილი "ქართული ოცნების" თავმჯდომარეს , ბიძინა ივანიშვილს , საფრანგეთის საპატიო ლეგიონერის ორდენით დაჯილდოვებას ულოცავს.

ამის შესახებ პრეზიდენტმა სოციალურ ქსელში , "Twitter"-ზე სტატუსი ფრანგულად გამოაქვეყნა:

"კეთილი იყოს თქენი მობრძანება საპატიო ლეგიონის ორდენოსანთა რიგებში. თქვენი წვლილი დემოკრატიის, ასევე საფრანგეთ-საქართველოს შორის კავშირების განვითარებაში, თქვენი მეცენატობა და თბილისის ფრანგული სკოლის დაარსება სათანადოდ იქნა აღიარებული", - წერს ზურაბიშვილი.

ცნობისთვის, საფრანგეთის პრეზიდენტ ემანუელ მაკრონის ბრძანებით, მილიარდელი ბიძინა ივანიშვილი საფრანგეთის საპატიო ლეგიონის ორდენით 31 დეკემბერს დაჯიდლოვდა. ჯილდოს საფრანგეთის მთავრობა უმაღლესი სამხედრო და სამოქალაქო მიღწევებისთვის გასცემს.

აქვე, ივანიშვილი პირველი ქართველია, რომელსაც ეს ჯილდო გადაეცა. საფრანგეთის მთავრობამ წელს ჯილდო ძირითად შემთხვევებში პანდემიასთან ბრძოლაში შეტანილი განსაკუთრებული წვლილისთვის გასცა. ივანიშვილს ჯიდლო, სავარაუდოდ, 2020 წლის 23 მარტის გადაწყვეტილებისთვის გადაეცა, როდესაც მისმა ოჯახმა კორონავირუსის საწინააღმდეგო სახელმწიფო ფონდში 100 მილიონი ლარი გადარიცხა.