მიუხედავად იმისა, რომ "პატრიოტთა ალიანსის" პარლამენტში შესული წევრი ავთანდილ ენუქიძე თვლის, რომ "ოცნებამ" 31 ოქტომბრის არჩევნები გააყალბა, ამ ფაქტს სულაც არ შეუშლია ხელი იმისთვის, რომ სადეპუტატო მანდატზე უარი ეთქვა, თან აღნიშნა, რომ ხელისუფლებასთან გარიგებაში არ ჩართულა და ისიც დასძინა, რომ პარტიაში არავინ იზღუდება:

„ჩვენთან პარტიაში არავის არაფერზე არ ზღუდავენ. პარტიის წევრებმა იცოდნენ, რომ ეს ასე მოხდებოდა. არავითარი უპატივცემულო შენიშვნა ან კონფლიქტი პარტიის შიგნით ამასთან დაკავშირებით არ ყოფილა. რატომღაც პოლიტიკურ წრეებში მიღებულია, რომ ერთ პარტიას აუცილებლად ერთი აზრი უნდა ჰქონდეს, ეს ასე არ არის. მეც გარკვეული შრომა ჩავდე ამ პარტიაში და დღესაც მათი მხარდამჭერი ვარ და იმ აზრსაც ვიზიარებ, რომელზეც ისინი არიან. არ არის საჭირო ერთმანეთს ვეომოთ, ჩვენ ასე ვუყურებთ ბრძოლის ამ ფორმატს.

ჩემსა და ხელისუფლებას შორის კი არა, საერთოდ არავისთან არ ყოფილა გარიგება.

ვთვლი, რომ არჩევნები გაყალბდა და „პატრიოტთა ალიანსსაც“ არასაკმარისი ხმები დაუწერეს“ - აღნიშნა ავთანდილ ენუქიძემ.

შეგახსენებთ, რომ "პატრიოტთა ალიანსის" ოთხი წევრი გელა მიქაძე, ფრიდონ ინჯია, ავთანდილ ენუქიძე და დავით ზილფიმიანი პარლამენტში უკვე შევიდა.