საბედისწერო აღმოჩნდა 2020 წელი და 15 დეკემბერი აფრიკის დასახლებაში მცხოვრები ადამიანებისთვის - ისინი ახალ წელს მიტოვებულ ქარხანაში შეხვდნენ.

ბავშვები თოვლის ბაბუის კი არა კეთილი ადამიანების მოლოდინში იყვნენ ახალ წელს.

წლების განმავლობაში სიხლის ფასად, საკუთარი ხელებით აშენებული 4 კედელი სოლიდარობით სავსე ქალაქის მერმა, კახა კალაძემ წამებში დაუნგრია, მიუხედავად წინაასარჩევნო დაპირებისა.

აფრიკის დასახლებაში კარგად ახსოვთ მაჟორიტარი დეპუტატის დაპირებები. ახსოვთ როგორ დადიოდა სოზარ სუბარი არჩევნების წინ და ამტკიცებდა რომ მიწებთან დაკავშირებით პრობლემები არ შეექმნებოდათ.

მათთვის მთავარი იყო საკუთარი ჭერის ქონა და დაპირებას აფრიკის დასახლების მცხოვრებლები ენდნენ. შესაბამისად არჩევნებზეც ხმა მმართველ პარტიას მისცეს. მათი თქმით, დღეს ამ გადაწყვეტილებას ნანობენ.

დღეს ამ ოჯახებში მცხოვრები ბავშვები გაეროს მიერ გამოქვეყნებული სტატისტიკის ნაწილი არიან, რომლის მიხედვითაც საქართველოში 75 ათასი ბავშვი შიმშილობს.