ოპოზიცია და მმართველი პარტია მოლაპარაკების მე-5 რაუნდის მოლოდინშია - ოპოზიციის მოთხოვნები უცვლელია , თუმცა "ქართულ ოცნებაში" აცხადებენ, რომ დღის წესრიგში არ შეიძლება იდგეს რიგგარეშე არჩევნები.

პარლამენტის საპროცედურო საკითხთა და წესების კომიტეტის თავმჯდომარის ,ირაკლი ქადაგიშვილის განცხადებით, დანარჩენ საკითხთან დაკავშირებით პოზიციები მნიშვნელოვნად დაახლოებულია:

"რიგგარეშე არჩევნები არ შეიძლება რომ დღის წესრიგში იდგეს, იმიტომ, რომ ამის გამართვას და ჩატარებას არანაირი ობიექტური, პოლიტიკური თუ სამართლებრივი საფუძველი არ გააჩნია- ეს ერთი და მეორე, დანარჩენი საკითხები, რომელიც იქ იყო წარმოდგენილი მოლაპარაკების მაგიდასთან, ფაქტობრივად ყველა საკითხთან დაკავშირებით პოზიციების მნიშვნელოვანი დაახლოება მოხდა, თუ ამ მეხუთე რაუნდზე საბოლოოდ მოხდება ამ პოზიციებზე შეჯერება და საერთო კონსენსუსის მიღწევა, ეს იქნება, რა თქმა უნდა, ყველაზე კარგი ქვეყნისთვისაც," - აცხადებს ირაკლი ქადაგიშვილი.