"ოპოზიციამ მოახერხა და ერთიანობა არ მოარღვია, ხელისუფლება 2021 წელს აუცილებლად შეიცვლება"- ივანიშვილის ოპონენტები 2020-ს აფასებენ

პოლიტიკა - 12:14, 31 Dec, 2020

1323

2020 წელი მძიმე ეპიდემიოლოგიური მდგომარეოობასთან ერთად, საქართველოში უმძიმესი პოლიტიკურ-ეკონომიკური ვითარებით გამოირჩეოდა.

2020წლის ერთერთ მთავარ მიღწევად კი, ოპოზიცია ერთობას ასახელებს.

"მძიმე წელიწადი იყო ბევრი თვალსაზრისითაც, მაგრამ იყო ბევრი წარმატებაც მიღწეული, ერთერთი წარმატება იყო, რომ ოპოზიციამ მოახერხა და ერთიანობა არ მოარღვია. ვფიქრობ, რომ ხელისუფლება 2021 წელს შეიცვლება, სხვა გზა უბრალოდ არ იქნება", - განაცხადა "ენმ"-ს თავმჯდომარე ნიკა მელიამ.

პოლიტიკურ დაპატიმრებებს გამოყოფს ევროპული საქართველოს ლიდერი:

"ჩვენ ეს წელიწადი დავიწყეთ პოლიტიკური დაპატიმრებებით. პანდემიამ, რომელმაც აბსოლუტური უკონტროლო სახე მიიღო და საბოლოო ჯამში გაყალბებული არჩევნების შემდეგ ერთპარტიული პარლამენტი. მთავარი პოლიტიკური მოვლენა იყო ის, რომ ბოიკოტი შედგა", - თქვა გიგი უგულავამ .

შალვა ნათელაშვილის თქმით, 2020 წლის შეფასება ნაადრევია:

"მას შევაფასებთ 20221 წელს, როდესაც ხელისუფლებას გავისტუმრებთ პოლიტიკის მწვერვალებიდან, ძალაუფლებას დავუბრუნებთ ხალხს და ამ საარჩევნო სახელმწიფო გადატრიალების მავნე შედეგებს აღმოვფხვრით ხალხი და პოლიტიკური სპექტრიერთად. რაც ვერ გავაკეთეთ 2020, ვერ მოვიცილეთ ბიძინა ივანიშვილი, მოვცილებთ 2021-ში", - ამბობს შლავა ნათელაშვილი.

შეგახსენებთ, რომ ოპოზიცია 2020 წლის 31 ოქტომბრის საპარლამენტო არჩევნების შედეგეგებს არ აღიარებს და პარლმენტში შესვლაზე უარს ამბობს.