ამნისტიის შესახებ კანონპროექტი, რომლის ავტორიც ადამიანის უფლებათა კომიტეტის თავმჯდომარე, მიხეილ სარკველაძეა, პარლამენტმა პირველივე მოსმენით დაამტკიცა.

ახალი კანონპროექტი არ ითვალისწინებს მძიმე დანაშაულებს და მხოლოდ იმ პატიმრებს შეეხებათ, რომლებიც მსუბუქი დანაშაულისთვის იხდიან სასჯელს და რომელთაგანაც საზოგადოებას საფრთე არ ემუქრება.

ამნისტიის შესახებ კანონპროექტი აერთიანებს 44 მუხლს, მათ შორის ნარკოდანაშაულს (რომელიც 600 პატიმრის გათავისუფლებას ითვალისწინებს), ქურდობას, სხეულის დაზიანებას, ფალსიფიკაციას.

ოცნების დეპუტატი დიმიტრი ხუნდაძე გამოვიდა ინიციატივით, რომ ამნისტია შეხებოდათ ოჯახში ძალადობისთვის მსჯავრდებულებს, თუმცა ერთპარტიული პარლამენტის უმრავლესობამ ეს წინადადება მიუღებლად ჩათვალა. ამნისტია ასევე არ შეეხება ქურდულ სამყაროსთან კავშირში მყოფ პირებსა და პოლიტიკური ნიშნით დაკავებულ ადამიანებს.