"კობახიძეს რამსები ერევა... არალეგიტიმური პარლამენტისნტის პრიბლემა სწორედ ეს არის, საფუძველშივე ჩადენილი უკანონობა, შენდგომი უკანონობების კასჯადს წარმიშობს"- ბაჩუკი ქარდავა

პოლიტიკა - 15:59, 30 Dec, 2020

989

ეროვნულ დემოკრატიიული პარტიის ლიდერი ბაჩუკი ქარდავა ცალსახად ამბობს, რომ ერთპარტიულ პარლამენტში შესვლას არ აპირებს.

გაერთიანებული ოპოზიციის ერთ-ერთი ლიდერი სიცრუეს უწოდებს მედიით გავრცელებულ ინფორმაციას, რომ საკანონმდებლო ორგანოში ხელფასთან დაკავშირებით განცხადება შეიტანა.

ქარდავა "ნიუპოსტთან" ამბობს, რომ იმ შემთხვევაში თუ კუთვნილი ხელფასი დაერიცხება, მას ივანიშვილის რეჟიმთან ბრძოლაში გამოიყენებს.

"კობახიძე რომ უდღეური პოლიტიკოსი აღმოჩნდა, ეს უკვე დიდი ხანია საზოგადოებამ იცის და ეს არა ერთხელ დაამტკიცა მან თავისი "უნიკალური" "ვარსკვლავური" განცხადებებით. რაც შეეხება მის მიერ გაჟღერებულ ინფორმაციას, ხელფასების მოთხოვნასთან დაკავშირებით, მინდა ვუთხრა, რომ მე მესმის, მას ძალიან უნდა, იხილოს ოპოზიცია პარლამენტში, მაგრამ ამის ფუფუნება ნამდვილად არ ექნება ბიძინა ივანიშვილის ხელისუფებას იმიტომ, რომ ის ჩამოყალიბებული რეჟიმი არის ის პარლამენტი, რომელიც ჩვენ მივიღეთ გაყალბებული არჩევნე ბის შედეგად და არანაირი ლეგიტიმაცია არ აქვს და არც ერთი თავმოყვარე პოლიტიკოსი ამ პარლამენტში არ შევა - ეს ცალსახად უნდა დავაფიქსირო ერთხელ და სამუდამოდ, ყველასათვის რომ იყოს ცნობილი ჩემი პოზიცია"- აცხადებს ბაჩუკი ქარდავა.

მისი თქმით, გაზაფხულზე დაგეგმილი აქციისთვის გარკვეულ ტექნიკურ აღჭურვილობა უკვე შეუკვეთა და თუ პარლამენტარის კუთვნილ ხელფასს მიიღებს, ის ამ თანხასაც სწორედ აქციებს მოახმარს:

"რაც შეეხება ხელფასს, პარლამენტის მხრიდან ფოსტით გამოგზავნილი რეკვიზიტებთან დაკავშირებული მოთხოვნები მიგვეწოდებინა ანგარიშის ნომრები, მე რამდენადაც ვიცი, კანცელარიამ მიაწოდა ჩემი რეკვიზიტები და დეკლარაცია. თუ დამერიცხება ხელფასი, ამ ფულით აუცილებლად შევიძენ გაზაფხულზე დაგეგმილი აქციისთვის გარკვეულ ტექნიკურ აღჭურვილობას, იქნება ეს პლაკატები, მეგაფონები, ხმის გამაძლიერებლები, შეკვეთილი მაქვს უკვე სპეცტანსაცმელი, რომელზეც წარწერაა "ძირს ბიძინა ივანიშვილი" - არც ერთი კაპიკი სხვა რამეში არ დაიხარჯება, ხოლო შემდგომი ხელფასები დამიტოვებია ირაკლი კობახიძისთვის. ესეც იმიტომ, რომ სიმბოლურად მინდა ეს პერფორმანსი ჩავატარო. თუ ხელფასი არ დაირიცხება, არც ესაა პრობლემა, იმიტომ რომ ჩვენ ოფიციალურ ანაზღაურებას არალეგიტიმური პარლამენტისგან არ მივიღებთ. თუ ხელფასის მოთხოვნა კობახიძეს ერევა მის მიერ დისკრიმინაციულად მიღებულ კანონს იმის შესახებ რომ ეროვნულ-დემოკრატიულ პარტიას შეუწყვიტა მისი კუთვნილი დაფინანსება, რომელიც ჩვენ მოვიპოვეთ ადგილობრივ არჩევნებში მიღებული წარმატების გამო და ჩვენ გუშინ მივმართეთ წერილით თალაკვაძეს, რომ შეგვიჩერა დაფინანსება ცენტრალურმა საარჩევნო კომისიამ და მისმა თავმჯდომარემ თამარ ჟვანიამ, თუ ამაში ერევა ხელფასი, ეს არ ვიცი - თუ ამაზეა საუბარი, მინდა იცოდეს, რომ კიდევ ერთხელ ვადასტურებ - თუ ხელფასს ჩაგვირიცხავენ, აუცილებ;ად შევიძენთ აქციებისთვის ტექნიკურ აღჭურვილობას, თუ არა და ჩვენ ხელფასს არ ვითხოვთ, არალეგიტიმური პარლამენტიდან ანაზღაურებას არ მივიღებთ"- განაცხადა ბაჩუკი ქარდავამ.

შეგახსენებთ, რომ "ქართული ოცნების" აღმასრულებელმა მდივანმა, პარლამენტის გადაყენებულმა თავმჯდომარემ ირაკლი კობახიძემ ცოტა ხნის წინ გააკეთა განცხადება და აღნიშნა, რომ ბოიკოტის რეჟიმში მყოფმა რამდენიმე ოპოზიციონერმა პარლამენტს კუთვნილი ხელფასი მოსთხოვა.