საპარლამენტო უმრავლესობის წევრი, დიმიტრი ხუნდაძე ითხოვს, ციხიდან ოჯახში ძალადობის გამო დაკავებულებიც გათავისუფლდნენ.

ხუნდაძის გნმრტებით, ოჯახძი ძალადობის ნაწილი ემოციურ ფონზე ხდება და ამიტომ, შესაძლებელია, ამნისტიის კანონი ოჯახძი მოძალადეებსაც შეეხოს.

დიმიტრი ხუნდაძის აზრით, მოძალადეები მისი ოჯახების ეკონომიკური პრობლემებიც გამოც უნდა გათვისუფლდნენ.

"კი, ოჯახურ ძალადობასთან დაკავშირებით არის პრინციპულად ნეგატიური დამოკიდებულება. მე ბევრ ოჯახთან ვილაპარაკე და მათი ნათქვამიც მოვიტანე და არა მხოლოდ მათი ნათქვამი, ჩემი აზრიც ემთხვევა მათსას, ვთვლი, რომ ამაში უფრო აქტიური მონაწილეობა უნდა მივიღო.

არის ისეთი შემთხვევები, როცა კონფლიქტი ემოციურ ფონზე წარმოიშობა. რა თქმა უნდა, ამას გამართლება არ აქვს, დამდგარ შედეგს, თუნდაც ეს ემოციის ფონზე იყოს, მაგრამ ვფიქრობ, რაღაც ნაწილი არ იქნებოდა ურიგო, რომ გაგვეთვალისწინებინა.

პირველ რიგში აუცილებელია სოციალური ფონის გათვალისწინება, მით უმეტეს, პანდემიის ფონზე. როცა ყველა ოჯახს დამატებითი ტვირთი აქვს, როგორც მთელ ქვეყანას - ოჯახები არის გახლეჩილი. ბევრი პრობლემაა: ოჯახს ეკონომიკურად უჭირს და ოჯახის უფრისი (ოჯახის უფროსები არიან ამის ჩამდენები, სამწუხაროდ), არათუ ეხმარებიან, ტვირთად აწვებიან და მათი მორალური და ეკონომიკური მხარეც ძალიან მძიმე და შეუსაბამო ხდება, მით უმეტეს, ამ ვითარებაში". - განაცხადა ხუნდაძემ იურიდიული კომიტეტის სხდომაზე, სადაც ქართული ოცნების ერთპარტიული პარლამენტი ამნისტიის შესახებ კანონს განიხილავს.