პოლიტიკური არჩევნები რაგბის კავშირში - სპორტსმენების მისაღებ გადაწყვეტილებაში "ქართული ოცნება" ერევა

პოლიტიკა - 12:06, 30 Dec, 2020

784

სარაგბო სამყაროს ირგვლივ ხმაური და დაპირისპირება გრძელდება. რაგბის კავშირს სავარაუდოდ ახალი პრეზიდენტი ეყოლება. მორაგბეებმა არჩევანი ბაჩო ხურციძეს, ირაკლი აბუსერიძეს და გოჩა სვანიძეს შორის უნდა გააკეთონ, თუმცა ერთ-ერთი კანდიდატი ხურციძე არჩევნებს არალეგიტიმურად მიიჩნევს და სკანდალურ განცხადებას აკეთებს:

"არჩევნების წესდების ერთი პუნქტი უკვე დარღვეულია, და მეორე, 95 ხმის ნაცვლად. მონაწილეობას ღებულობს 82 ხმა, ეს 82 ხმა აწყობს, იმ ორ გაერთიანებულ კანდიდატს, ეს ორი კანდიდატი, რომ ერთმანეთთან გარიგებულია ყველამ იცის, შევრიგდითო და შერიგდნენ გარიგდნენ სხვა საქმეა, მე ველოდები, რომ დღეს 45–48 ხმა არ მივა, საერთოდ გამოვრიცხავ ზეწოლას, თუ ვინმესგან ზეწოლა იყო ეს იყო მათი გუნდის წევრებისგან " – ამბობს ბაჩო ხურციძე

პრეზიდენტობის კიდევ ერთი კანდიდატი ირაკლი აბუსერიძე ხურციძეს, სამინისტროს და გამგეობას ულტიმატუმის ენით ლაპარაკში ადანასაუკებს.

აბუსერიძე ზეწოლასაც არ გამორიცხავს, რომელიც შესაძლოა სარაგბო კლუბებზე ხდებოდეს.

ცნობისთვის, გუშინ, მუნიციპალურმა სარაგბო კლუბებმა პირდაპირ თქვეს, რომ მთავრობა რაგბის საპრეზიდენტო არჩევნებში აქტიურად ერეოდა.

"მთავრობის სახელით გვირეკავენ, ციხით და დაფინანსების შეწყვეტით გვაშინებენ" – ამბობდნენ სარაგბო კლუბები.

მეტიც სარაგბო კლუბებმა, ზეწოლაში, ოცნების მაჟორიტარი გივი ჭიჭინაძე დაადანაშაულა.