თავდაცვის მინისტრი ირაკლი ღარიბაშვილი აცხადებს, რომ ეს არის დავით გარეჯის საქმე და არა კარტოგრაფების საქმე და ამით მანიპულირებენ . მისი თქმით, ეს არის მცდელობა მნიშვნელოვანი საქმე დაკნინდეს.

"მანიპულირებენ ჩვენი ოპონენტები და ის ადამიანები, ვინც ეს საზარელი დანაშაული ჩაიდინა, სავარაუდოდ, უმაღლესი პირების დაკვეთით, თუ თანამონაწილეობით. მათი მცდელობა მიმართული იმისაკენ, რომ საქმე გადაკვალიფიცირდეს, დაკნინდეს, როგორც კარტოგრაფების საქმე, ეს მიუთითებს კიდევ ერთხელ იმაზე, რომ ამ ადამიანებს სავარაუდოდ ძალიან მძიმე ანტისახელმწიფოებრივი დანაშაული აქვთ ჩადენილი", - ამბობს ღარიბაშვილი.

მისი თქმით, მის ხელთ არსებული ინფორმაციის გაცნობის შემდეგ აქვს განცდა, რომ "ძალიან დიდ ღალატთან" გვქონდა საქმე.

"საუბრობენ ძალიან ბევრს რომ ეს იყო წინასაარჩევნოდ გამოგდებული ფანდი. როგორ გავთვლიდი მე ან ნებისმიერი ადამიანი, რომ 2020 წლის არჩევნებზე გამოვიყენებდით ამ საქმეს. 2014 წელს ვმუშობდი ამ საკითხზე. ასე, რომ არგუმენტი არ არსებობს. არსებობს ფაქტები და სპეკულაციები...

ძირითადი ჩარჩო, ხელშეკრულება, კონტრაქტი, რომელიც გაფორმდა აზერბაიჯანსა და საქართველოს შორის არის დარღვეული. რეალურად, მაშინ მხარეები შეთანხმდნენ, რომ მხოლოდ და მხოლოდ ერთ რუკას გამოიყენებდნენ საზღვრის დეკარკაცია-დელიმიტაციის პროცესის დროს. რომელი რუკაა ეს? ეს არის 1938 წლის რუკები",— განაცხადა მან "იმედის" ეთერში..