"ყველა წერილის ავტორისთვის სასურველი საჩუქარი მზად გვაქვს და ახალი წლის ღამეს თოვლის ბაბუა აუცილებლად მიუტანს"

"ყველა წერილის ავტორისთვის სასურველი საჩუქარი მზად გვაქვს და ახალი წლის ღამეს თოვლის ბაბუა აუცილებლად მიუტანს" - საქველმოქმედო ფონდი "იალქანი"

საზოგადოება - 18:39, 29 Dec, 2020

1246

საქველმოქმედო ფონდი "იალქანი" განცხადებას ავრცელებს და მადლობას უხდის იმ ადამიანებს, ვინც პატარებს ეხმარება.ფონდის წერილში ნათქვამია, მათ პატარებისთვის ჯადოსნური დღესასწაულის მოსაწყობად კამპანიები წამოიწყეს. დღეს უკვე ყველა წერილის ავტორისთვის სასურველი საჩუქარი მზადაა და ახალი წლის ღამეს თოვლის ბაბუა ბავშვებს ამ საჩუქრებს აუცილებლად მიუტანს.
"ფონდი „იალქანი“ უკვე ხუთი წელია, რაც სხვადასხვა სოციალური კატეგორიის მოსახლეობას არაერთ სერვისს სთავაზობს. განსაკუთრებით იმ ბავშვებზე ვზრუნავთ, რომლებიც ელემენტარულ პირობებს არიან მოკლებული. ამ მიზნით ხოველი შობა-ახალი წლის წინადღეებში ვიწყებთ კამპანიას, რომ არც ერთი პატარა, ვისზეც ხელი მიგვიწვდება, საახალწლო საჩუქრისა და ჯადოსნური დღსასაწაულის გარშ არ დაგვრჩეს. ამ მიზნით წელს შევქმენით „ელფების სახელოსნო“, რომელშიც ჩვენი თანამშრომლები და მოხალისეები ფუსფუსებენ და პატარებისთვის საჩუქრებს ამზადებენ. პანდემიიდან გამომდინარე, ყვველა მსურველს ვერ ვიღბთ, რადგან წესებს მაქსიმალურად ვიცავთ. ამიტომ ადამიანები, ვინც იცის ჩვენ შესახებ, დისტანციურად გვეხმარებიან, გვიგზავნიან თანხას იმ საჩუქრების შესაძენად, რომლებიც პატარებმა თოვლის ბაბუას ან სანტას სთხოვეს. ზოგი თვითონ ყიდულობს საჩუქარს და მოაქვს ოფისში. ჯგუფებიც კი შქმნეს მოხალისეებმა და პატარებისთვის ჯადოსნური დღსასწაულის მოსაწყობად კამპანიები წამოიწყეს. დღეს უკვე ყველა წერილის ავტორისთვის სასურველი საჩუქარი მზად გვაქვს და ახალი წლის ღამეს თოვლის ბაბუა აუცილებლად მიუტანს. მადლობა ყველას მხარდაჭრისთვის. ბედნიერ შობა-ახალ წელს გისურვებთ" - აღნიშნულია ფონდის განცხადებაში.