82 ხმა არცერთი მოწინააღმდეგ - საქართველოს ერთპარტიულმა პარლამენტმა ქვეყნის მთავარი ფინანსური დოკუმენტი, 2021 წლის ბიუჯეტი დაამტკიცა.

2021 წლის ბიუჯეტი 18.4 მილიარდი ლარი იქნება. უნდა აღინიშნოს, რომ ბიუჯეტის ზრდის მთავარი ფაქტორი ახალი საგარეო ვალებია. ჯამში ქვეყნის საგარეო ვალი მშპ-ის 60%-ს გადააჭარბებს.

2021 წლის ბიუჯეტით, იზრდება სამთავრობო აპარატის სახელფასო ფონდი - 1,61 მილიარდი ლარი.

• ყველაზე დიდი დაფინანსება ჯანდაცვის სამინისტროს ექნება - 5.56 მილიარდი ლარი. 2020 წელთან შედარებით ის 48 მილიონით გაიზარდა.
• რეგიონული განვითარებისა და ინფრასტრუქტურის სამინისტრო - დაფინანსება იზრდება 551 მილიონი ლარით და გახდება 2.42 მილიარდი ლარი,
• განათლების, მეცნიერების, კულტურისა და სპორტის სამინისტროს ბიუჯეტი 2020 წელთან შედარებით გაიზრდება 264.5 მილიონი ლარით და იქნება 1.8 მილიარდი ლარი;
• სამინისტროში კულტურის ბიუჯეტი იქნება 69.5 მილიონი ლარი; სპორტი 122 მილიონი ლარით დაფინანსდება.
• გარემოს დაცვისა და სოფლის მეურნეობის სამინისტროს ბიუჯეტი 13 მილიონით შემცირდება და იქნება 463.6 მილიონი ლარი.
• ეკონომიკისა და მდგრადი განვითარების სამინისტროს ბიუჯეტი 352 მილიონი ლარით მცირდება და 469.8 მილიონი ლარით განისაზღვრება.
• ფინანსთა სამინისტროს ბიუჯეტი გაიზრდება 8 მილიონი ლარით და გახდება 88,9 მილიონი ლარი.
• იუსტიციის სამინისტროს დაფინანსება გაიზრდება 22 მილიონი ლარით და გახდება 246,5 მილიონი.
• საგარეო საქმეთა სამინისტროსთვის გამოყოფილია 18,2 მილიონი ლარით მეტი - 174.2 მლნ ლარი.
• თავდაცვის სამინისტროს ბიუჯეტი გაიზრდება 95 მილიონი ლარით და გახდება 900.0 მლნ ლარი.
• შინაგან საქმეთა სამინისტროს ბიუჯეტი გაიზრდება 30 მილიონი ლარით და გახდება 790.0 მლნ ლარი.
• საქართველოს სახელმწიფო უსაფრთხოების სამსახურის ბიუჯეტი გაიზრდება 1 მილიონი ლარით და გახდება 137.5 მლნ ლარი.
• საქართველოს პროკურატურის ბიუჯეტი გაიზრდება 0,1 მილიონი ლარით და გახდება 41.4 მლნ ლარი.
• საზოგადოებრივი მაუწყებლის სახელმწიფო დაფინანსება 2021 წელს 0.5 მილიონი ლარით იზრდება და 69.2 მილიონი ლარი გახდება;
• ცენტრალურ საარჩევნო კომისიას ბიუჯეტი 2 მილიონი ლარით უმცირდება და იქნება 70.5 მილიონი ლარი.