ევროპული საქართველოს ერთ-ერთი ლიდერის, სერგი კაპანაძის თქმით, ოპოზიციური პარტიების მთავარი მოთხოვნები საზოგადოებისათვის ცნობილია და ისინი უცვლელი რჩება, ხოლო ამ საკითხბეთან დაკავშირებით ევროპული საქართველო არის კონსულტაციაში როგორც სხვა ოპოზიციურ პარტიებთან, ისე ქართულ ოცნებასთან, საერთაშორისო პარტნიორების მეშვეობით.

კაპანაძემ აღნიშნა,რომ თუ ქართულ ოცნებას სურს რაიმე წინადადების შემოტანა მოლაპარაკებების პროცესში, მან ეს უნდა გააჟღეროს იმ ფორმატში, რომლის ფასილიტატორებიც არიან აშშ-ის და ევროკავშირის ელჩები.

კაპანაძე ასევე გამოეხმაურა ლევან იოსელიანის განცხადებას, რომ ის გირჩის ნაწილთან აწარმოებს მოლაპარაკებებს. კაპანაძის თქმით, ელისაშილის და გირჩის წევრების ერთმანეთში საუბარი მათი საქმეა და ევროპული საქართველოსთის ეს ნაკლებად არის საინტერესო.

„ოპოზიციური პარტიების დამოკიდებულება მოლაპარაკებებთან და ჩვენი მოთხოვნები რა არის, ცნობილია, ვადამდელი არჩევნები, პოლიტიკური პატიმრების გათავისუფლება და საარჩევნო რეფორმა, ეს სამი არის ჩვენი მთავარი მოთხოვნა. ამასთან დაკავშირებით ჩვენ კონსულტაციაში ვართ ოპოზიციურ პარტიებთანაც და რაც მთავარია ჩვენი საერთაშორისო პარტნიორების მეშვეობით, ქართულ ოცნებასთან.

თუ რაიმე წინადადება არის, რომელიც ქართულ ოცნებას სურს რომ შემოგვთავაზოს, არსებობს ფორმატი ამის შემოთავაზების, ელჩების მეშვეობით და იქ უნდა გააჟღეროს ეს. თუ რაიმე სხვა არხით ამ წინადადებას რომელიმე სხვა პარტიას აწვდის, ეს მათი საქმეა და ჩვენ არანაირი ინფორმაცია არ გვაქვს.

ის, რომ ეხლა ერთმანეთში ლაპარაკობენ გირჩის რომელიღაც წევრები და ელისაშვილი, ეს მათი საქმეა და სიმართლე რომ გითხრათ, მაინც და მაინც საინტერესო ჩვენთვის არ არის.“ - განაცხადა კაპანაძემ.