გვეუბნებიან, თბილად ვართ, მაგრამ არა... - მაჭავარიანი ამბობს, რომ ჩინოვნიკებს დაბალი ხელფასები აქვთ

პოლიტიკა - 17:02, 29 Dec, 2020

1900

ფინანსთა მინისტრი ვანო მაჭავარიანი ამბობს, რომ ჩინოვნიკებს დაბალი ხელფასი აქვთ.
მინისტრმა პარლამენტში გამოსვლისას თქვა, რომ მათი ანაზღაურება 21-ე საუკუნის გამოწვევებს ვერ პასუხობს.

მაჭავარიანი ბიუროკრატიული თანხების დაზოგვაზე საუბრისას ამბობს, რომ დაზოგილი თანხა ისევ იგვე სფეროში უნდა დაიხარჯოს, მაგალითად ტექნოლოგიების დანერგვით.

"ვიცით, რომ არ არის სახარბიელო სიტუაცია, ჩვენ გვყავს რაოდენობრივად დიდი ბიუროკრატია დაბალანაზღაურებადი. ხშირად გვეუბნებიან ოპონენტები, რომ თქვენ, თბილად ხართ, ჩინოვნიკები, კარგი ხელფასებით, არა, ძალიან დაბალი ხელფასებია, 21-ე საუკუნის გამოწვევებს ვერ პასუხობს. ვერ მოვიზიდავთ ნიჭიერ, საინტერესო ადამიანებს, მაღალკვალიფიციურს. იქ არის დანაზოგის საშუალება, მაგრამ რასაც დავზოგავთ, იქვე თუ არ ჩაბრუნდა როგორც ადამიანურ კაპიტალში, ასევე სისტემებში და უზრუნველყოფებში, ამ შემთხვევაში ტექნოლოგიურს ვგულისხმობ, იქ 100 თუ 200 მილიონი დაიზოგება, ეს ვერ გახდება წყარო ფისკალური კონსოლიდაციის, ვერ გახდება ჩვენი დეფიციტის, მაკრო მაჩვენებლის და ვალის გაკეთილშობილების წყარო", - განაცხადა ვანო მაჭავარიანმა.