განათლების კომიტეტის თავმჯდომარე, თეა წულუკიანი სახალხო დამცველს აკრიტიკებს და აცხადებს, რომ საქართველოს სახალხო დამცველი არ ჰყავს.

არასამთავრობო სექტორის წარმომადგენლები ეხმაურებიან აღნიშნულ განცხადებას და აცხადებენ, რომ თეა წულუკიანის ეს განცხადება არის დამაზიანებელი, როგორც ხელისუფლებისთვის, ასევე ქვეყნის საერთაშორისო იმიჯისთვის იქიდან გამომდინარე, რომ ომბუდსმენის აპარატი არის ერთადერთი დამოუკიდებელი ინსტიტუცია, სადაც ბიძინა ივანიშვილი გავლენებს ვერ ფლობს.

"საიას" თავმჯდომაე , სულხან სალაძის განმარტებით, არსებობს შეფასების უკეთესი ფორმები და წულუკიანის განცხადება საზიანოა.

"მე მესმის, რომ შეიძლება ეს რაღაც გულდაწყვეტას, ან გარკვეულ გულისწყრომას იწვევდეს სახალხო დამცველის ან მისი აპარატის წარმომადგენლის არ ყოფნა პარლამენტის კომიტეტის სხდომაზე, თუმცა, ალბათ არსებობს შეფასების უკეთესი ფორმები.

ეს აზიანებს ზოგადად სახალხო დამცველის ინსტიტუტს მთლიანობაში, რომელიც ადამიანის უფლებების დაცვის ერთერთი მთავარი საყრდენია. ის ერთ-ერთი მთავარი ინსტიტუტი, რომელიც ადამიანის უფლებებს უნდა იცავდეს" - ამბობს საიას თავმჯდომარე, სულხან სალაძე

"საერთაშორისო გამჭვირვალობა -საქართველოს" აღმასრულებელი დირექტორის მოადგილე, გიორგი ონიანი, აცხადებს, რომ ეს განცხადებაა იერიშის მიტანა ძალიან მნიშვნელოვან ინსტიტუზე და ეს არის ძალიან ცუდი და სახიფათო პრეცედენტი.

"სამწუხაროდ ამ გუნდს დასჩემდა სახალხო დამცველის, ამ ძალიან მნიშვნელოვანი ინსტიტუტის მიმართ, იერიშის მიტანა. ეს არის ძალიან ცუდი და სახიფათო პრეცედენტი. ასეთ ინსტიტუს, რომელსაც აქვს ძალიან მაღალი საერთაშორისო და ადგილობრივი რეპუტაცია, რომელიც ერთადერთი დამოუკიდებელი ინსტიტუტია ამ ქვეყანაში, დანარჩენი ყველა, ფაქტიურად, ბატონი ივანიშვილის გავლენების ქვეშ არის, მასზე ასეთი იერიშის მიტანა ნამდვილად არ დარჩება შეუმჩნეველი ჩვენი საერთაშორისო პარტნიორების მხრიდან" - ამბობს ონიანი.

ცნობისთვის, წულუკიანის გამოსვლას სახალხო დამცველი დღეს სპეციალური განცხადებით გამოეხმაურა და იუსტიციის ყოფილ მინისტრს "პატიმრებზე მრუნველი" უწოდა და მოუწოდა პოლიტიკური განცხადებების ნაცვლად , მათ მიერ გაგზავნილ ანაგარიშებს გადახედონ.