საქართველოს პრემიერ-მინისტრის გიორგი გახარიას განცხადებით, პანდემიის შედეგად გამოწვეული ეკონომიკური კრიზის გამო ქართულმა ბიზნესმა დანერგილ სიახლეებს ფეხი უნდა აუწყოს. გახარიას განმარტებით, სახელმწიფომ და ბიზნესმა ერთობლივად უნდა დაძლიოს პანდემიური და ეკონომიკური კრიზისი:

"უნდა გადავეწყოთ, დღეს სხვა ეპოქაა. პოსტკოვიდური ეკონომიკური აღდგენა და ეკონომიკა სულ სხვანაირი იქნება. საქართველოში, ხშირ შემთხვევაში, სამწუხაროდ, სხვა კონტინენტიდან ნებისმიერ საქონლის გამოწერა უფრო მარტივია, ვიდრე მეზობელ ქუჩაზე არსებული მაღაზიიდან ინტერნეტის საშუალებით გამოიწერო და მარტივად მიიღო შეძენილი ნივთი. ამიტომ, ყველაფერი უნდა გადავახალისოთ, როგორც მთავრობამ, ასევე ბიზნესმა", - განაცხადა გახარიამ.