"ნაციონალური მოძრაობის" ერთ-ერთი წევრი ხატია დეკანოიძე "ლელოს" ლიდერის მამუკა ხაზარაძის არჩევნების თარიღთან დაკავშირებულ განცხადებას ეხმაურება და აღნიშნავს, რომ რიგგარეშე არჩევნების ჩატარების თარიღი ოპოზიციის მხირდან განხილვას იმსახურებს:

"ხელისუფლება უნდა მოვიდეს კონკრეტული წინადადებებით, კონკრეტული გეგმით, როგორ გეგმავს ოპოზიციის 4 მოთხოვნის დაკმაყოფილებას. მათ შორის ვადებზეც შეიძლება საუბარი. ვერ ვიტყოდი, რომ ვადებზე არ შეიძლება საუბარი. მთავარია ოპოზიციური ერთობის შენარჩუნება. [...]. თუ რამე ახალ ინიციატივას ან ახალ კომპრომისულ სივრცეს ვუმატებთ ამ ყველაფერს, ეს უნდა იყოს ოპოზიციაში განხილული. და ძალიან უნდა გავუფრთხილდეთ ოპოზიციურ ერთობას" - განაცხადა დეკანოიძემ ფორმულას ეთერში.

ხაზარაძის გუშინდელი განცხადების მიხედვით, ქვეყანაში პოლიტიკური კრიზისის განსამუხტად, საჭიროა ე.წ. სერბული მოდელის გამოყენება - აღნიშნული ფორმულირება ასახავს ევროკავშირში გაწევრიანების მსურველ სერბეთში პოლიტიკური კრიზისის დროს შეიქმნილ პოლიტიკურ მიმართულებას, როდესაც ოპოზიციასა და ხელისუფლებას შორის შედგა შეთანხმება - არჩევნები ოთხის ნაცვლად, 2 წელიწადში ჩატარებულიყო. ხაზარაძის აზრით, ვადამდელი არჩევნები 2022 წელს უნდა გაიმართოს და აქედან დაიწყოს 4 წლის ათვლა.