აშშ-ს ყოფილი ელჩ საქართველოში იან კელი საქართველოს პრეზიდენტის სალომე ზურაბიშვილის განცხადებას გამოეხმაურა და "კავკასიური პლატფორმის" იდეის საფრთხეზე "მთავარი არხის" ეთერში ისაუბრა.

როგორც ყოფილმა ელჩმა განმარტა, ამ იდეის ქვეშ ბევრად უფრო მეტი საფრთე იმალება და მხოლოდ სავაჭრო-ეკონოიკური ურთიერთობების გაღღმავების მიზანს არ ემსახურება. იან კელის განცხადებით, რეალურად ამ პლატფორმის მიზანი რეგიონიდან დასავლეთის გაძევებაა:

“გაცილებით მეტი შეკითხვა მაქ ვიდრე პასუხი ამ პლატფორმასთან დაკავშირებით, თუ რას ნიშნავს ის რეგიონისთვის. ჩემი შეშფოთება ბოლო ტენდენციებიდან, რაც სამხრეთ კავკასიაში ხდება, მიმართულია იქითკენ, რომ რეგიონიდან გააძევოს დასავლეთი და ეს პლატფორმა შეიძლება გახდეს ადგილი სადაც არა მხოლოდ ეკონომიკა განიხილება, არამედ გახდეს ადგილი, სადაც პოლიტიკური საკითხებიც განიხილება.

საქართველო უფრო მეტად უნდა იყურებოდეს არა ჩრდილოეთისა და სამხრეთისკენ, არამედ დასავლეთისკენ.

ეს წამოჭრის დიდ შეკითხვას, რატომ მიესალმება საქართველოს პრეზიდენტი რუსეთის სამშვიდობო ძალებს და საქართველოს ჩართულობას ამ პლატფორმაში, რომელიც თითქოს ცდილობს, რომ ღობე შემოარტყას სამხრეთ კავკასიას, სადაც მხოლოდ იქნება რუსეთი, თურქეთი და ირანი”, - განაცხადა იან კელიმ.

შეგახსენებთ, "კავკასიური პლატფორმის" იდეას საქართველოს პრეზიდენტი "ელჩების კონფერენცია 2020"-ზე სიტყვით გამოსვლისას მიესალმა.