ნიკა მელია: "დასრულდა დახურულ კარებს მიღმა მიღებული გადაწყვეტილებების ეპოქა!"

პოლიტიკა - 18:15, 27 Dec, 2020

1293

როგორც დღეს გამართულ ყრილობაზე ერთიანი ნაციონალური მოძრაობის ახლადარჩეულმა თავმჯდომარემ ნიკა მელიამ აღნიშნა, პარტიაში ახალი და გამჭირვალე პროცესები დაიწყება.

"გაყალბებული და მოპარული არჩევნების შემდეგ, დიდი იყო სასოწარკვეთის, იმედის დაკარგვის, ხელების ჩამოშვების რისკი! იმ განცდის და შეგრძნების რისკი, რომ აღარაფერს აქვს აზრი! მაგრამ მიუხედავად დიდი ცდუნებებისა, დიდი მუქარებისა, აზრთა დიდი სხვადასხვაობისა - ჩვენ გავუძელით, ჩვენ არ შევედით ცირკად ქცეულ პარლამენტში, ჩვენ არ ვაამეთ უზურპატორს და ეს, ჩვენზე მეტად, თქვენი ნების ურყევობის და გულმხურვალე პატრიოტიზმის დამსახურებაა!

ზუსტად ვიცით, რომ კიდევ ბევრი ამგვარი რამ მოხდება და ყოველთვის თქვენ უნდა დაგვეხმაროთ ან თუნდაც გვაიძულოთ, ვიყოთ ისეთივე ერთიანები და მტკიცეები, როგორებიც ვართ დღეს - საპარლამენტო ბოიკოტისას!

ჩვენთვის მთავარია თქვენი ხმა, თქვენი აზრი, თქვენი ხედვა და თქვენი სურვილები, უმთავრესი მიზანი კი - ერთიანი, ევროპული და მდიდარი საქართველოა. საქართველოა, რომელიც გამორჩეული და საინტერესო ადგილია მთელ მსოფლიოში, სადაც იქმნება მნიშვნელოვანი ინტელექტუალური, სამეცნიერო, კულტურული და ტექნოლოგიური ღირებულებები. საქართველო, რომელიც მაგალითია იმისი, თუ როგორ შეიძლება მოკლე დროში პატარა ქვეყანა დიდ განვითარებასა და პროგრესს აღწევდეს.

ჩვენი დამოკიდებულებები იგივე დარჩება, როდესაც ჩვენ ვიქნებით სახელისუფლებო პარტია, კოალიციური თუ ნებისმიერი სხვა ფორმით,

ერთად ჩვენ ყველაფერს შევძლებთ ძვირფასო მეგობრებო! ერთად ჩვენ დავწერთ ჩვენი ქვეყნის ისტორიის საუკეთესო ფურცლებს!" - აღნიშნა მელიამ.