ეს უფრო მისი წინასაახალწლო სურვილებია... შეთანხმების გარეშე არც ერთი დეპუტატი არ აპირებს პარლამენტში შესვლას

ეს უფრო მისი წინასაახალწლო სურვილებია... შეთანხმების გარეშე არც ერთი დეპუტატი არ აპირებს პარლამენტში შესვლას - უდუმაშვილი თალაკვაძის განცხადებაზე

პოლიტიკა - 13:34, 27 Dec, 2020

1049

ენმ-ს წევრი ზაალ უდუმაშვილი ერთპარტიული პარლამენტის თავმჯდომარის არჩილ თალაკვაძის განცხადებას გამოეხმაურა და მის ნათქვამს ოპოზიციის არლამენტში შესვლასთან დაკავშირებით საახალწლო სურვილი უწოდა. უდუმაშვილის განმარტებით, თუ შეთანხმება არ შედეგბა, არც ერთი დეპუტატი არ შევა პარლამენტში:
„ვხედავთ ერთპარტიულ პარლამენტს, რომელმაც დიდი შანსია ასე განაგრძოს მუშაობა ახალი წლის შემდეგაც. აბსოლუტურად მთლიანად ოპოზიციურ სპექტრს გაცხადებული აქვს ძალიან მყარი პოზიცია და ის პარტიებიც კი, რომლებსაც ჯერ არ დაუწერიათ განცხადება უფლებამოსილების შეწყვეტის შესახებ, ხმამაღლა აცხადებენ, რომ შეთანხმების მიღწევის გარეშე, პარლამენტში არ შევლენ. ოპოზიციური ერთობა არ დარღვეულა, მიუხედავად იმისა, რომ რამდენიმე პარტიამ გადაწყვიტა, ჯერჯერობით უფლებამოსილების შეწყვეტასთან დაკავშირებით განცხადებები არ დაეწერა. ოპოზიცია საერთო სტრატეგიით მიდის, თუ შეთანხმება არ შედეგება, არც ერთი დეპუტატი არ აპირებს პარლამენტში შესვლას“ ,- განაცხადა უდუმაშვილმა.

შეგახსენებთ, რომ პარლამენტის თავმჯდომარემ არჩილ თალაკვაძემ გნაცხადა, რომ ოპოზიციაში გარდამტეხი პერიოდია და ის მალე შევა პარლამენტში.