ხმაურიანი აქცია ბავშვთა სამყაროს მიმდებარე ტერიტორიაზე - მოვაჭრეები გარეთ დახლების გახსნას და ვაჭრობის უფლებას ითხოვენ. ადგილზე მისულმა მერიის წარმომადგენლებმა კი მათ დახლები დაუშალეს და განუცხადეს, რომ თუ ვაჭრობას დაიწყებდნენ დაჯარიმდებოდნენ.

"ჩვენ რა ვქნათ, სად წავიდეთ, ვალით ვიყიდე 300 ლარის საქონელი და ის ვალი რითი გავისტუმრო, ახალი წელი რითი გავითენო? მოლებმა გაინაღდონ თავისი, გაყიდონ საქონელი, აიღონ მილიონები და ჩვენ დავრჩით 20-20 თეთრის ამარა", - ამბობს ერთ-ერთი მოვაჭრე.

მოვაჭრეები ამბობენ, რომ მერიას ახალ წლამდე 4 დღით ადრე მუშაობის უფლებას სთხოვენ.