აფხაზეთის სიმღერისა და ცეკვის სახელმწიფო აკადემიური ანსამბლის წევრები, მეორე თვეა, უხელფასოდ რჩებიან. მოცეკვავეებს ისედაც მინიმალური ხელფასი - 390 ლარი აქვთ.

მიუხედავად ხელფასის სიმცირისა, აფხაზეთის ავტონომიური რესპუბლიკის მთავრობა მაინც ვერ უზრუნველყოფს თანამშრომლების შრომის დროულ ანაზღაურებას, რაც დიდი პრობლემაა.

"აფხაზეთის სიმღერისა და ცეკვის სახელმწიფო აკადემიური ანსამბლი მიმართავს ბატონ პრემიერმინისტრ გახარიას, რომ გვიშუამდგომლოს რუსლან აბაშიძესთან, გადახედოს ანსამბლის ბიუჯეტს, საბოლოოდ მოგვარდეს ეს პრობლემა და ჩაგვერიცხოს 2020 წლის 31 დეკემბრამდე ჩვენი 2 თვის ხელფასი", - ამბობს მოცეკვავე ქეთი მაისურაძე.

როგორც მოცეკვავეები ამბობენ, ანაზღაურებასთან დაკავშირებით პრობლემა მუდმივია , მათ შარშან და შარშანწინაც აწუხებდათ.