არ ვიცი საიდან გაიგო ოცნებამ ხარვეზის შესახებ, სამწუხაროდ, ისეთ ქვეყანაში ვცხოვრობთ, სადაც მიყურადება ჩვეულებრივ პრაქტიკად ითვლება

არ ვიცი საიდან გაიგო ოცნებამ ხარვეზის შესახებ, სამწუხაროდ, ისეთ ქვეყანაში ვცხოვრობთ, სადაც მიყურადება ჩვეულებრივ პრაქტიკად ითვლება - ნიჟარაძე

პოლიტიკა - 15:00, 25 Dec, 2020

1171

„სამართლიანი არჩევნების“ (ISFED) ყოფილი აღმასრულებელი დირექტორისთვის ელენე ნიჟარაძისთვის უცნობია, საიდან ჰქონდა ხარვეზის შესახებ „ქართულ ოცნებას“ ინფორმაცია. მისი განმარტებით, გამორიცხული არაფერია, რადგან ისეთ ქვეყანაში ვცხოვრობთ, სადაც მიყურადება ჩვეულებრივ პრაქტიკად ითვლება:
„არაფერს არ გამოვრიცხავ, ჩვენ, სამწუხაროდ ისეთ ქვეყანაში ვცხოვრობთ, სადაც მიყურადება ჩვეულებრივ პრაქტიკად ითვლება უკვე. ეს არის ის კითხვა, რაზეც „ქართულმა ოცნებამ“ უნდა გასცეს პასუხი. რაც შეეხება გამოძიებას, გამოძიების საკითხი არის ძალიან სასაცილო. არ ვიცი, რა მუხლით უნდა დაიწყონ გამოძიება, ეს ჩემთვის წარმოუდგენელია. ეს კიდევ ერთი დეტალია, რითაც “ქართული ოცნება” სპეკულაციას ახდენს და ცდილობს, საზოგადოება შეცდომაში შეიყვანოს“ - განაცხადა ნიჟარაძემ.
შეგახსენებთ, რომ არასამთავრობო ორგანიზამიამ „სამართლიანი არჩევნები“ (ISFED) 2020 წლის 31 ოქტომბრის არჩევნების პარალელური დათვლის შედეგები გამოაქვეყნა და განაცხადა, რომ საარჩევნო სუბიექტის მიერ მიღებული ხმების გამოსათვლელ ფრმულაში ხარვეზები დაფიქსირდა. გასწორების შემდეგ, საარჩევნო სუბიექტების მიერ მიღებული ხმების პროცენტული რაოდენობა უმნიშვნელოდ შეიცვალა. აღნიშნული სხვაობა გავლენას არ ახდენს არცერთი საარჩევნო სუბიექტის მიერ მიღებული მანდატების რაოდენობაზე.„სამართლიანი არჩევნების“ (ISFED) 2020 წლის 31 ოქტომბრის არჩევნების დღის საბოლოო შედეგების დაზუსტებული ინფორმაციით, "ქართულ ოცნებას" ხმების 47.6% აქვს, ხოლო ნაციონალურ მოძრაობას - 27.4%.
გუშინ კი გავრცელდა ინფორმაცია, რომ „სამართლიანი არჩევნების“ (ISFED) აღმასრულებელი დირექტორი ელენე ნიჟარაძე დაკავებულ თანამდებობას ტოვებს.