"მიზანმიმართული განცხადება, საქართველოს რუსეთიზაცია გრძელდება"- აქცია სალომე ზურაბიშვილის რეზიდენციასთან

პოლიტიკა - 12:21, 25 Dec, 2020

1083

საყვირები და ტრანსფარანტები პრეზიდენტის ადმინისტრაციასთან - სალომე ზურაბიშვილის მორიგი სკანდალური განცხადება სამოქალაქო აქტივისტებმა გააპროტესტეს.

კავკასიური პლატფორმის შექმნის შესახებ გაჟღერებული პოზიციის შემდეგ ქვეყნის უმაღლესი მთავარსარდალისგან განმარტებას ითხოვენ.

"ეს იმ პოლიტიკის გაგრძელებაა, რასაც ჰქვია რუსული პოლიტიკა და საქართველოს რუსეთიზაცია. ეს არ იყო წამოცდენა, ეს იყო მიზანმიმართული ნათქვამი იმიტომ, რომ ამ ე.წ. კავშირში, რომელსაც ჰქვია ერთიანი კავკასიის იდეა, პლატფორმა და მოიაზრება რუსეთი და ირანი, რომელიც არის დასავლური ღირებულებების მტერი და რუსეთი ჩვენი ოკუპანტია და მათთან რაიმე კავშირში შესვა ეს არის ჩვენთვის პირდაპირ ხარაკირი საერთაშორისო საზოგადოების თვალში", - აცხადებს აქციის ერთ-ერთი მონაწილე.

ქვეყნის მეხუთე პრეზიდენტი თურქეთის პრეზიდენტი რეჯეფ თაიფ ერდოღანის ინიციატივას გამოეხმაურა, რომელიც კავკასიაში რუსეთის ირანის ინტერესების გაძლიერებას ეხება და რეალურად რეგიონიდან დასავლეთის გაძევებას უწყობს ხელს.

საქართველოს მეხუთე პრეზიდენტმა ელჩების კონფერენციაში ჩართვისას პირდაპირ განაცხადა, რომ "კავკასიური პლატფორმის" მიმართ საქართველოს პოზიცია პასიური და მეორე ხარისხოვანი ვერ იქნება.

შეგახსენებთ, მიმდინარე წლის 11 დეკემბერს Reuters-მა გაავრცელა ინფორმაცია, რომ თურქეთის პრეზიდენტის, რეჯეფ თაიფ ერდოღანის, თქმით, მან ბაქოში, კოლეგებთან განიხილა კავკასიაში რეგიონული თანამშრომლობის პლატორმა, რომელმაც შეიძლება ახალი ფურცელი გადაშალოს სომხეთთან ურთიერთობაში, თუ ერევანი "პოზიტიურ ნაბიჯებს" გადადგამს.

ერდოღანმა განაცხადა, რომ რეგიონული პლატფორმა - რომელიც მოიცავს რუსეთს, თურქეთს, აზერბაიჯანს, საქართველოს, ირანსა და სომხეთს - ყველასთვის მომგებიანი იქნება და რომ იდეით ვლადიმერ პუტინიც დაინტერესებულია.

'კავკასიური პლატფორმის' იდეას კი საქართველოს პრეზიდენტმა, სალომე ზურაბიშვილმა მხარი დაუჭირა.