რატომ იყიდა თბილისის მერიამ ამერიკის მიერ სანქცირებული ირანული კომპანიისგან თეთრი ქვა - კახა კალაძისგან გნმარტებას "ნაციონალური მოძრაობის" წევრი, ლევან ხაბეიშვილი ითხოვს.

მისი ინფორმაციით, კომპანია Arvand Petrochemical Company-ს, რომლისგანაც თბილისის მერიამ სამშენებლო მასალა შეიძინა, სანქცია 2019 წელს ისლამურ რევოლუციურ გუშაგთა კორპუსს ფინანსური მხარდაჭერისთვის აქვს დაწესებული.

"დედაქალაქის ტრენდული მერი ჯერ ხომ ალივს ხელს მოათრევდა მილანიდან და მილიონობით ლარს იხდიდია, ახლა გადაწყვიტა, რომ ქვა არ არის საქართველოში და ირანიდან ჩამოიტანოს, ოღონდ მილიონობით ლარს კონკრეტულ კომპანიას უხდის, რომელიც სანქცირებულია აშშ-ს მიერ. გარდა იმისა, რომ აქ შეიძლებოდა ამ ფულის დატოვება და ეკონომიკაში ჩასხმა. საგამოძიებო უწყებებს და დედაქალაქის მეორს მოვუწოდებ სასწრაფოდ გააკეთონ ამაზე განმარტება, მათ შორის პრემიერმინისტრმაც", - თქვა ლევან ხაბეიშვილმა.

თბილისის მერია აღნიშნულ თეთრ ქვას კახეთის გზატკეცილზე გზაგამყოფ ზოლზე ყრის.

სანქცირებულ კომპანიას მერიამ 3 000 000 ლარი გადაუხადა.