“ჩვენ უნდა გავუღოთ კარი ახალგაზრდებს... დადგა დრო, პარტიამ დამატებითი ცვლილებები განახორციელოს“

“ჩვენ უნდა გავუღოთ კარი ახალგაზრდებს... დადგა დრო, პარტიამ დამატებითი ცვლილებები განახორციელოს“ - ნიკა მელია

პოლიტიკა - 01:42, 25 Dec, 2020

1299

ჩვენ უყნდა გავუღოთ კარი ახალგაზრდებს, თითოეულ წევრს უნდა ჰქონდეს შესაძლებლობა, მოიტანონ თავიანთი იდეები და მიიღონ მონაწილეობა სხვადასხვა საკითხების გადაწყბეტილების პროცესში - ამის შესახენ ნიკა მელიამ ფეისბუქის ლაივ ჩართვაში განაცხადა.

ენმ-ის თავმჯდომაროების კანდიდატმა პარტიის ხელმძღვანელის არჩევის ახალ წესზე ისაუბრა და თქვა, დადგა დრო, როცა პარტიამ დამატებითი ცვლილებები უნდა განახორციელოს.

“ნაციონალური მოძრაობა ყოველთვის ქმნიდა ქვეყანაში პოლიტიკურ ტრადიციებს, პოლიტიკურ კულტურას და ასევე ქმნის პოლიტიკურ კლასს. დადგა დრო, როცა დამატებითი ცვლილებები უნდა განახორციელოს პარტიამ, სისრულეში მოიყვანოს და ეს წესად უნდა იქცეს“ - განაცხადა მელიამ.

მისი თქმით, პარტიის მხარდამჭერებსა და წევრებს შორის თანამშრომლობა უნდა იყო არჩევნებიდან არჩევნებამდე პროცესში და ისინი უნდა გახდნენ მთელი რიგი საკითხების გადაწყვეტილების პროცესის თანამონაწილე.

ჩვენ უნდა გვქონდეს თანამშრომლობა არჩევნებიდან არჩევბამდე პროცესში. ერთის მხრივ გულშემატკივრებს, პარტიის წევრებს უნდა ჰქონდეს შესაძლებლობა, რომ პლატფორმა რომელიც დაიხვეწება, და მთელი რიგი საკითხები, გამოვიგტანთ სამსჯავროზე, სადაც პარტის წევრებს მოუწევთ მასზე გადაწყვეტილების მიღება, ანუ ისინი გახდებიან პროცესის თანამონაწილე. ეს არის ერთადერთი უებარი გამოსავალი პარტიის გაძლიერების გზაზე, სხვა ალტერნატრივა ამ ყველაფერს არ აქვს“ - განაცხადა მელიამ.

ენმ-ის პოლიტსაბჭოს თავმჯდომარეობის კანდიდატმა აღნიშნა, რომ კენჭისყრის იდეა მესამე პრეზიდენტს ეკუთვნის.

„ეს კენჭისყრა, რომელიც მიმდინარეობს, იყო მიხელ სააკაშვილის იდეა და ინიციატივა და გაამართლა იმაზე მეგტად, ვიდრე ველოდებოდით. ჩვენ უნდა გავაღოთ კარი და ბევრი ახალგაზრდა უნდა შემოვიდეს. ჩვენი ამოცანაა, რომ უამრავ ადამიანს გაუჩნდეს განცდა, რომ ისინი არიან ნაწილი ნაციონალური მოძრაობისა, ამ უნიკალური მოძფრაობისა“ - განაცხადა მელიამ.

მისივე თქმით, ნაციონალურ მოძრაობა, არ იყენებს იმ შესაძლებლობებს, რომელიც თან ახლავს მაღალტექნოლოგიურ ერას, ამიტომ მელიას განცხადებით, პარტიის თავმჯდომარედ არჩევის შემთხვევაში მას ამ მხრივაც მეტი პასუხისმგებლობა ექნება.

ერთიანი ნაციონალური მოძრაობის პოლიტსაბჭოს წევრებმა პარტიის თავმჯდომარის კანდიდატებად ნიკა მელია და ლევან ვარშალომიძე წარადგინეს. არჩევნის პროცესი ფეისბუქით მოხდება. კენჭისყრა 21 დეკემბრს დაიწყო და 25 დეკემბრის 21:00 სთ-მდე გაგრძელდება.

ენმ-ს პარტიის თავმჯდომარის პოსტი ვაკანტური მას შემდეგ გახდა, რაც ნაციონალური მოძრაობის თავმჯდომარემ, გრიგოლ ვაშაძემ პარტია 15 დეკემბერს დატოვა. ვაშაძემ ნაწილობრივ ისაუბრა წასვლის მიზეზებზეც და აღნიშნა, რომ არ ეთანხმება პარტიის ხელმძღვანელობის უმრავლესობის მიერ პარტიის წევრებთან კონსულტაციების გარეშე არჩეულ ტაქტიკას.