ირაკლი კობახიძის განცხადებით, მისთვის იდეალური სურათი იქნებოდა პარლამენტში ნაციონალური მოძრაობის რადიკალური ფრთისა და ევროპული საქართველოს გარდა ყველა პარტია შევიდეს, რაც მისივე თქმით, კარგის მომტანი იქნება ქვეყნისთვის.

"პარტიების რაოდენობას რაც შეეხება, ჩემთვის იდეალური სურათი იქნებოდა ის, რომ შემოვიდეს ყველა, გარდა ნაციონალური მოძრაობის რადიკალური ფრთისა და ევროპული საქართველოსი. ეს იქნებოდა იდეალური სურათი და დიდი იმედი მაქვს, რომ საბოლოო ჯამში საპარლამენტო სპექტრი ასე ჩამოყალიბდება. თვითგანადგურების რეჟიმი აქვთ მათ ჩართული და იმედი მაქვს, ამ რეჟიმში დარჩებიან, კარგი იქნება ქვეყნისთვის", - განაცხადა კობახიძემ.