ცდილობს, ამით გადაჭრას ერთპარტიული პარლამენტის პრობლემა - მარტოდ დარჩენილი ოცნება ოპოზიციის ცალკეული წევრების გადაბირებას ცდილობს

პოლიტიკა - 13:42, 24 Dec, 2020

822

ხელისუფლება მანდატებით ვაჭრობს და პარლამენტში მარტოდ დარჩენილი "ოცნება" ოპოზიციის ცალკეული წევრების გადაბირებას ცდილობს.

ამჯერად "კანონი და სამართლის" ლიდერი თაკო ჩარკვიანი ხმამაღლა ალაპარაკდა მის შესაძლო მოსყიდვის ფაქტზე, თუმცა პროკურატურა ჯერაც არ დაინტერესებულა დეტალებით.
როგორც ჩარკვიანმა ტვ პირველის ეთერში განაცხადა, მასთან კობახიძის სახელით მივიდნენ და პარლამენტში შესვლის სანაცვლოდ გარიგება შესთავაზეს.
ხელისუფლება მსგავს ფაქტ უარყოფს, თუმცა არ მალავს, რომ ოპოზიციის ცალკეულ წევრებთან მოლაპარაკებას ცდილობს.
ოპოზიციაში კი აცხადებენ, რომ მას შემდეგ, რაც მანდატებზე უარი თქვეს, ხელისუფლება ცუდ დღეში ჩავარდა და ცდილობს, ცალკეული წევრები მაინც გადაიბიროს:
"არ გამვრიცხავ, რომ ამას ადგილი ჰქონოდა, იმიტომ, რომ ერთ რამეს ჩვენ ნათლად ვხედავთ - "ქართული ოცნება" ნაცვლად იმისა, რომ მოლაპარაკებებზე მოდიოდეს პოლიტიკური შეთავაზებით, რომელიც შექმნის სივრცეს კონსესუსისთვის, ამის ნაცვლად, როგორც ჩანს, დაკავებულია იმით, რომ აქვს მცდელობა, კონკრეტული ადამიანები დაარწმუნოს, რომ პარლამენტში შევიდნენ და ფიქრობს, რომ ამით გადაჭრის ერთპარტიული პარლამენტის პრობლემას. ცხადია, ასე ვერ მოხდება" - განაცხადა ენმ-ს წევრმა სალომე სამადაშვილმა.
შეგახსენებთ, რომ გუშინ თაკო ჩარკვიანმა ტვ პირველის ეთერში გააკეთა განცხადება და თქვა, რომ ორი კვირის წინ მასთან "ქართული ოცნებისა" და ირაკლი კობახიძის სახელით მივიდნენ და გარიგების სანაცვლოდ პარლამენტში შესვლა შესთავაზეს.