სახლების დანგრევისა და ბინის ყიდვის შემდეგ კალაძემ ახალი საქმე გამოძებნა - თბილისის მერია იტალიური იტალიურ სანათებს ყიდულობს, რომელიც მომდევნო წლიდაან გაანათებს თბილისის ქუჩებს.

აღსანიშნავია, რომ კალაძეს ქართული კომპანიების მიერ შემოთავაზებული ვარიანტები არ მოეწონა , სწორედ ამიტომ ჩავარდა 6-ჯერ გამოცხადებული ტენდერი.

ამის შემდეგ კალაძის უწყებამ გამარტივებული შესყიდვის ხელშეკრულება თავის შპს-სთან, "თბილსერვის ჯგუფთან" დადო, შპს-მ კი იტალიური კომპანია "ილუმინაციონე“ მოიძია და არჩევანი იტალიაურ სანათებზე შეაჩერა მერმა.

თანხაც წინასწარ უკვე განსაზღვრულია -თბილისის მერიას იტალიიდან გარე განათებისა და მხატვრული მინათების შესყიდვა და დამონტაჟება 3 მილიონი ლარი დაუჯდება.

გარე განათებების მოწესრიგებასთან დაკავშირებული ტენდერი ოპოზიციას მორიგ კორუფციულ გარიგებაზე მიანიშნებს და დარწმუნებულია, რომ იტალიური კომპანია შემთხვევითი შერჩევის პრინციპით არ მიუთითეს.

არასამთავრობო ორგანიზაციის, "შეაჩერე კორუფციას“ დამფუძნებელი ირწმუნება, რომ გარიგებულ ტენდერებს ყოველთვის ტენდენცია აქვს - შესყიდვების დროს სატენდერო პირობები ყოველთვის ერთ კონკრეტულ კომპანიაზეა მორგებული.

კახა კალაძის მტკიცებით, იტალიური კომპანიისგან ჯერ არაფერი უყიდიათ. მერი დარწმუნებულია, რომ გარე განათების მოწესრიგებას ტენდერში გამარჯვებული კომპანია შეძლებს.