ჩამოშლილი ჯანდაცვის სისტემისა და ტიკარაძის უწყების გულგრილობის კიდევ ერთი მაგალითი - ლენტეხის საავადმყოფოში გაუსაძლისი ვითარებაა: ექიმებს არ აქვთ ელემენტარული პირობები, საავადმყოფოში არ არის გათბობა, გარდა ამისა პრობლემაა ხელფასიც, რომელსაც ექიმები უკვე რამდენიმე თვეა ითხოვენ.

ინფორმაცია სოციალურ ქსელში ვრცელდება - საავადმყოფოს თანამშრომელი, ანჟელა ქურასბედიანი ფეისბუქ გვერდ "ლენტეხის პრობლემებში" წერს:

"ჩემო ძვირფასო ლენტეხლებო ლენტეხის საავადმყოფოში გვაქვს ძალიან დიდი პრობლემები მინდა რომ საქმის ყურში ჩაგაყენოთ მთელი ლენტეხის მუნიციპალიტეტი,რადგან ლენტეხის ერთადერთი კლინიკის პრობლემა ხალხის პრობლემადაც მიმაჩნია. ჩვენ ლენტეხის კლინიკის თანამშრომლები მართლა თავდაუზოგავად ვმუშაობთ თქვენი ჯანმრთელობის და სიცოცხლის გადასარჩენად, იმ აუტანელ პირობებში რასაც ქვემოთ მოგახსენებთ, არ გვაქვს ელემენტარული პირობები : არ გვაქვს ელემენტარული გათბობა ექთანს და ექიმს უწევს ცივ გაყინულ წყალში ხელის ჰიგიენის დაცვა,სანიტარი ალაგებს და რეცხავს მართლა უპირობაში ეს თან იმის ფონზე როცა დეკემბერში სექტემბრის ხელფას ვიხვეწებით, თვეებია ვითხოვთ ჩვენ კუთვნილ ხელფასებს რომლის რიცხვებში წერა 21საუკუნეში სირცხვილია ამ მიზერულ ხელფას ველოდებით თვეები მოლოდინის რეჟიმში. ამ და კიდე ძალიან ბევრი პრობლემის გამო გვიწევს ლენტეხის კლინიკის დაკეტვა. ხვალ დილით 10 საათზე ჩვენ გამოვალთ აქციაზე რომელსაც გავმართავთ ჩვენი უფლებების დასაცავად ამიტომ მინდა მოგაწვდინოთ ხმა რათა ლენტეხის კლინიკამ განაგრძოს ფუნქციონირება და კლინიკის თანამშრომლების პრობლემებიც მოვაგვაროთ ერთად!!! დიდი იმედი გვაქვს თქვენი თანადგომის" ნათქვამია ფეისბუქ გვერდზე გავრცელებულ მიმართვაში" - ვკითულობთ განცხადებაში.

ხვალ, 24 დეკემბერს, კლინიკის თანამშრომლები ქუჩაში გამოდიან და აქციის გამართვას გეგმავენ.