კალაძის უწყება დემონტაჟს აგრძელებს - ამჯერად სამიზნე, თვალჭრელიძის ქუჩაა . მუნიციპალურმა ინსპექციამ 7 ნაგებობა სამგორის რაიონში დაშალა. მძიმე ტექნიკა ადგილზე დილის 7 საათზე გამოჩნდა.

მოქალაქეების თქმით, მშენებლობები ნამდვილად სახელმწიფო მიწაზე უკანონო იყო და მათ გაფრთხილება 18 დეკემბერს მიიღეს შეტყობინების სახით, რომ ნაგებობები 4 დღის ვადაში უნდა აეღოთ.

მათი თქმით, 4 დღე ძალიან ცოტა დროა შენობების დასანგრევად , მითუმეტეს კოვიპანდემიის ფონზე. მათ არც კი იციან სად უნდა წავიდნენ სიღარიბისა და შიმშილის ფონზე. ადგილობრივების ინფორმაციით, 5 შენობა მშენებარე იყო, ორში კი ხალხი ცხოვრობდა.