ეკონომიკური კრიზისი და საგადასახადო შეღავათები - პარლამენტში პრემიერობის კანდიდატს გიორგი გახარიას უსმენენ

პოლიტიკა - 10:38, 23 Dec, 2020

1001

ამ წუთებში პარლამენტში პრემიერობის კანდიდატის გიორგი გახარიას მოსმენა მიმდინარეობს, რომელიც სიტყვით გამოსვლისას წარდგენილი პროგრამიდან ერთ-ერთი პუნქტს - საგადასახადო შეღავათებს შეეხო და აღნიშნა, რომ ეს არის ერთ-ერთი ეფექტური ნაწილი, რომელიც საგადასახადო დისციპლინას გააუმჯობესებს:

„ყველას კარგად უნდა გვესმოდეს, რომ განსაკუთრებით ეკონომიკური კრიზისების პერიოდში ფისკალური კონსოლიდაცია და დისციპლინა არის უაღრესად მნიშვნელოვანი მიზანი მთავრობის. ჩვენ მოგვიწევს ბევრი ისეთი საგადასახადო შეღავათის გადახედვა, რომლის ეფექტიანობაც დიდი ხანია კითხვის ნიშნის ქვეშ დგას. ყველას კარგად უნდა გვესმოდეს, რომ ჩვენი ბიზნესიც და მოქალაქეებიც ამას გაგებით უნდა მოეკიდონ. ჩვენთვის ყველაზე მნიშვნელოვანია დღეს სახელმწიფოს შეზღუდული რესურსების თანაბრად და ეფექტიანად გამოყენება. ამიტომ საგადასახადო შეღავათების ეფექტიანობა იქნება ერთ-ერთი ყველაზე მნიშვნელოვანი ნაწილი სამთავრობო პროგრამის, ფისკალური კონსოლიდაციის და საერთოდ საგადასახადო დისციპლინის ხარისხის გაუმჯობესების“, - განაცხადა გახარიამ.