პარტიების დაფინანსების შესახებ კანონპროექტი მოპალარაკებისა და კომპრომისისთვის სივრცეს ტოვებს

პარტიების დაფინანსების შესახებ კანონპროექტი მოპალარაკებისა და კომპრომისისთვის სივრცეს ტოვებს - სერგეენკო

პოლიტიკა - 10:25, 23 Dec, 2020

921

"ოცნების" ერთ-ერთი ლიდერი დავით სერგეენკო პარტიებისთვის დაფინანსების შეწყვეტის საკითხს ეხმაურება და აცხადებს, რომ ეს ქმედება მიმართულია ოპოზიციური პარტიებისთვის ახალი შესაძლებლობის მიცემისკენ. მისი თქმით, კანონპროექტიპარტიების დაფინანსების შესახებ კომპრომისისთვის სივრცეს ტოვებს:

„მმართველი გუნდის პოზიცია ასეთია, რასაც მეც ვიზიარებ, რომ იმ ამომრჩევლებმა, რომლებმაც ოპოზიციას მისცეს ხმა, ეს ხმა არ მიუციათ ერთჯერადი პოზიციის დასაფიქსირებლად, არამედ ხმა მისცეს იმისათვის, რომ ოპოზიციურმა პარტიებმა მონაწილეობა მიიღონ ქვეყნის კანონშემოქმედებით ცხოვრებაში. ეს არ არის ერთჯერადი, ეს არის 4 - წლიანი მანდატი.

ძალიან ბევრი კომპრომისული ნაბიჯი არის ამ მხრივ გადადგმული და კიდევ უფრო მეტი გადასადგმელი. ასე რომ ვფიქრობ, ეს არ იქნება მოლაპარაკების კარის დახურვა, არამედ პირიქით, ახალი შესაძლებლობების მიცემა.

ყურადღებით მოვისმენ და ამის მიხედვით მივიღებ გადაწყვეტილებას. ოპოზიცია იმის ოპოზიციაა, რომ ნეგატივი დაინახოს. თუმცა, ჩემი აზრით, ამ კანონპროექტის ის სტრუქტურირება, რომელიც დღეს გაცხადდება და დღეს იქნება მსჯელობა, მიმართულია იქითკენ, რომ მეტი სივრცე დატოვოს მოლაპარაკებისა და კომპრომისებისთვის“, - განაცხადა სერგეენკომ.