შინაგან საქმეთა მინისტრობის კანდიდატი ისევ ამტკიცებს, რო ქვეყანაში კრიმინალი არ გაზრდილა. გომელაურს ამის მაგალითად ვანო მერაბიშვილის შს მინისტრობის პერიოდი მოჰყავს:

"2006 წელს დაიწყო სტატისტიკის წარმოება, ბატონი ვანო მერაბიშვილის დროს, როცა მინისტრი ბრძანდებოდა. იმ წელს, ერთ წელიწადში მოხდა 2160 ყაჩაღობა და დღეს გაქვს 135 შემთხვევა, შარშან იყო 152 შემთხვევა. იგივე, 2007 წელს იყო 1208, 1008, 700. ეს ჩვენი შევსებული არ არის. ეს არის მათივე შევსებული და დღეს ეს ხალხი ჩვენ გვეუბნება, რომ დაბრუნდა 90 -იანი წლები, დაიქცა ქვეყანა მაშინ, როცა ჩვენს დროს მაჩვენებელი ძალიან დაწეულია" - ამბობს ვახტანგ გომელაური.