"ქართული ოცნების" წევრი, რიმა ბერაძე , ჯანდაცვის მინისტრობის კანდიდატს, ეკატერინე ტიკარაძეს, მადლობას უხდის გაწეული შრომისთვის. მისი თქმით, გამოწვევები მნიშვნელოვანია და ტიკარაძეც ძალიან კარგად გაუმკლავდა თითოეულ პრობლემას.

"მინდა, მეც მადლობით დავიწყო. უნდა გაუძლოთ, ქალბატონო ეკა. თქვენ ხართ პოლიტიკური თანამდებობის პირი. ძალიან სოლიდარული ვარ, როგორც ქალი. თქვენ გვერდით მიგულეთ. არა უშავს, გამოწვევები მნიშვნელოვანია. იმდენი რამეა და თქვენ ისე კარგად მოაგვარეთ - მე თვითონ მქონდა კოვიდი და ვიწექი საავადმყოფოში და ჩემი თვალით ვნახე, როგორ მექცეოდა მედპერსონალი. მინდა, თითოეულ მათგანს ამ ტრიბუნიდან მადლობა ვუთხრა" , - განაცხადა ბერაძემ.