ევროპული საქართველოს ერთ-ერთი ლიდერი, სერგი კაპანაძე, ქართული ოცნების ინიციატივას ეხმაურება ოპოზიციური პარტიებისათვის დაფინანსების შეწყვეტასთან დაკავშირებით.

კაპანაძის თქმით, ქართული ოცნება აგრძელებს ამ მუქარას იმისათვის, რომ ოპოზიციურმა პარტიებმა შეცვალონ გადაწყვეტილება პარლამენშტი არ შესვლასთან დაკავშირებით, რომელიც როგორც კაპანაძემ აღნიშნა გამომდინარეობს საზოგადოებრივი ინტერესებიდან.

კაპანაძემ აღნიშნა, რომ ბიძინა ივანიშვილი ამ გადაწყვეტილებით კიდევ ერთხელ დაადასტურებს დიქტატურის გზაზე შედგომას.

„ქართული ოცნება აგრძელებს ამ მუქარას იმისთვის, რომ ოპოზიციურმა პარტიებმა შეცვალონ საკუთარი გადაწყვეტილება და პარლამენტში შევიდნენ, მათ ემუქრებიან, რომ თუ ასე არ მოიქცევიან, შეუწყვეტენ დაფინასებას და ნაციონალურ მოძრაობას საერთოდ მოხსნიან რეგისტრაციიდან, ანუ ივანიშვილს ჯერ კიდევ აქვს ილუზია და ჰგონია, რომ ასეთი მუქარებით ის შეაცვლევინებს პოზიციას იმ პარტიებს, რომლებიც მოქმედებენ საზოგადოებრივი ინტერესებიდან გამომდინარე და საკუთარი ამომრჩევლის დაკვეთით.

ეს, რათქმაუნდა, ასე არ მოხდება, ჩვენ ამ პოზიციას არ შევიცვლით, მათ თუ უნდათ კრიზისის განმუხტვა, მხოლოდ ახალი არჩევნები და ამაზე შეთანხმება ჩვენი პარტნიორი ქვეყნების დიპლომატების მონაწილეობით იქნება გამოსავალი და არა მუქარა და დაფინასების გაუქმება და რეგისტრაციიდან ენმ-ის მოხსნა.

თუ ამას გააკეთებენ, ბუნებრივია, ეს იქნება მორიგი დადასტურება იმ დიქტატურის გზის, რომელზეც შედგა ივანიშვილი და რომლიდანაც მერე ყველას ერთად მოგვიწევს, რომ ის ჩავხსნათ.“ განაცხადა კაპანაძემ.