ჯერ-ჯერობით რასაც ვისმენთ და რაც მოგვისმენია აქამდე, ძირითადად შანტაჟისა და მუქარის ტონი, ეს არ ემსახურება არანაირ შეთანხმებას

ჯერ-ჯერობით რასაც ვისმენთ და რაც მოგვისმენია აქამდე, ძირითადად შანტაჟისა და მუქარის ტონი, ეს არ ემსახურება არანაირ შეთანხმებას - წერეთელი

პოლიტიკა - 13:06, 21 Dec, 2020

800

ევროპული საქართველოს ერთ-ერთი ლიდერი, გიგი წერეთელი, ირაკლი კობახიძის განცხადებას ეხმაურება, რომ ოპოზიციური პარტიები შევლენ საკანონმდებლო ორგანოში.

წერეთლის თქმით, კობახიძის ამ განცხადებას სჭირდება კონკრეტული ნაბიჯები და გადაწყვეტილებები, რათა დაინიშნოს ვადამდელი არჩევნები, შეიცვალოს საარჩევნო ადმინისტრაცია და განთავისუფლდნენ პოლიტპატიმრები.

წერეთლის თქმით, თუ ხელისუფლება აპირებს, რომ ამ მიმართულებით გადადგას ნაბიჯები, რათქმაუნდა, არსებობს შანსი, რომ მოლაპარაკებები შედგეს, სხვა შემთხვევაში კი, როგორც წერეთელმა აღნიშნა, ის მუქარისა და შანტაჟის ტონი, რაც ისმის ხელისუფლების წარმომადგენლების მხრიდან, არ ემსახურება არანაირ შეთანხმებას.

„განცხადება იმის თაობაზე, რომ ოპოზიცური პარტიები შევლენ პარლამენტში და არსებობს გარკვეული რესურსები თუ სვლები ხელისუფლებაში, რა განცხადებაც ჩვენ მოვისმინეთ ბატონი კობახიძისგან, რათქმაუნდა, თავისი სურვილით არის კარგი, მაგრამ, ამას სჭირდება კონკრეტული გადაწყვეტილებები და ნაბიჯები.

თუ ეს სვლები და სურვილები ემსახურება იმას, რაზეც ოპოზიცია საუბრობს ამდენი ხნის განმავლობაში და ჩვენი საზოგადოების დიდი ნაწილი, რომ დაკმაყოფილდება მოთხოვნები, რომელიც აქვს ოპოზიციას, რაც ეხება ვადამდელ არჩევნებს, საარჩევნო ადმინისტრაციასა და პოლიტპატიმრებს, თუ ამ მიმართულებით არის ნაბიჯები გადასადგმელი და თუ ამაზე ფიქრობს ხელისუფლება, ეს არის კარგი და ასეთ შემთხვევაში, შანსი იმისა, რომ მოლაპარაკება შედგეს და ამის შემდეგ გარკვეული გადაწყვეტილებები ოპოზიციამ მიიღოს, არსებობს.

სხვა შემთხვევაში, ჯერ-ჯერობით რასაც ვისმენთ და რაც მოგვისმენია აქამდე, ძირითადად შანტაჟისა და მუქარის ტონი, ეს არანაირად არ ემსახურება არანაირ შეთანხმებას.“ - განაცხადა წერეთელმა.