"ჩემი ხელმძღვანელობით დავამარცხეთ ნიკა გვარამია"- წულუკიანი "რუსთავი 2"-ის საქმეზე

პოლიტიკა - 13:14, 18 Dec, 2020

2663

იუსტიციის ყოფილი მინისტრი, თეა წულუკიან კიდევ ერთხალ ამბობს, რომ მისი ხელმძღვანელობით "სტრასბურგში ნიკა გვარამია დაამარცხა". წულუკიანის თქმით, ამჟამად "მთავარი არხის" გენერალური დირექტორი ამ მარცხს "ვერ ინელებს".
"დავის მხარე იყო ნიკა გვარამია და ძმები ყარამანაშვილები და მეორე მხარე დავის ევროპული სასამართლოს წინაშე იყო იუსტიციის სამინისტრო. შესაბამისად, იუსტიციის სამინისტრომ, ჩემი ხელმძღვანელობით, ევროპულ სასამართლოში დაამარცხა ნიკა გვარამია და ის სწორედ ამ წარმატებული დავის შემდეგად იქნა განდევნილი რუსთავი 2-დან. ეს მესმის, რომ ძალიან მტკივენეულია ნიკა გვარამიასთვის, რომელიც ვერ ინელებს ამ მარცხს, მაგრამ ეს მარცხი დადგა. მე ძალიან კარგად მესმის ბატონი დვალისა და ბატონი აქიმიძის გულისტკივილი, მაგრამ ის დავა, რომელსაც ჩვენ ვაწარმოებდით სტრასბურგში ეხებოდა მხოლოდ ნიკა გვარამიასა და ქიბარ ხალვაშს შორის ქვეყნის შიგნით დავას, რომელიც როგორც კი გავიდა საქართველოს ფარგლებს გარეთ გადაიქცა სახელმწიფო დავად", - განუცხადა მედიას წულუკიანმა.

წულუკიანმა "რუსთავი 2"-ის ეთერში თქვა, რომ ტელევიზია "ქართულმა ოცნებამ" დაუბრუნდა და ამაში იუსტიციის სამინისტროს "ტიტანური შრომა" დევს. გადაცემის წამყვანის რეპლიკას - "ქალბატონო თეა, რუსთავი 2 დააბრუნა ევროპის სასამართლომ", წულუკიანმა უპასუხა, რომ ამისთვის მათ ძალიან ბევრი იშრომეს და "კანონიერება თავისით არ აღსდგა".