მიდის თუ არა ბიძინა ივანიშვილი პარტიიდან? - მედიაში გავრცელებული ინფორმაციის თანახმად, ქართული ოცნების პარტიულ ყრილობაზე, ივანიშვილი პარტიის თავმჯდომარის პოსტს დატოვებს და მის ადგილას ყრილობა ირაკლი კობახიძეს აირჩევს.

მეტიც, ერთ-ერთი ვერსიით, ირაკლი კობახიძის კანდიდატურა განიხილება პრემიერმინისტრის თანამდებობაზეც.

ქართული ოცნების ერთ-ერთი ლიდერი, თეა წულუკიანი ამ ინფორმაციას უარყოფს:

"არცერთი განხილვა პარტიაში, რომელიც ამ საკითხს, ან ამ ტიპის მიმსგავსებულ საკითხს მიეძღვნებოდა, არ ყოფილა, შესაბამისად ეს საკითხი არ განიხილება. იმედია, ბატონი ბიძინა პარტიის საქმიანობაში იქნება ჩართული კიდევ დიდხანს", - ამბობს წულუკიანი.