ივანიშვილის შანტაჟი და მუქარა... არანაირ ფულზე ჩვენი გადაწყვეტილება არ შეიცვლება

ივანიშვილის შანტაჟი და მუქარა... არანაირ ფულზე ჩვენი გადაწყვეტილება არ შეიცვლება - უდუმაშვილი კობახიძის განცხადებაზე

პოლიტიკა - 12:23, 17 Dec, 2020

1115

"არანაირ ფულზე ჩვენი გადაწყვეტილება არ შეიცვლება" - ასე ეხმაურება ერთიანი ნაციონალური მოძრაობის ერთ-ერთი ლიდერი ზალიკო იდუმაშვილის მმართველი პარტიის მიერ ინიცირებულ ახალ კანონპროექტს, რომელიც პარტიებს, რომლებიც პარლამენტში შესვლაზე უარს ამბობენ, დაფინანსების შეწყვეტითა და სხვა სანქციებით ემუქრება.

უდუმაშვილმა ნიუპოსტთან საუბარში აღნიშნა, რომ ივანიშვილს ოპოზიციასთან საბრძოლველად მხოლოდ შანტაჟი და მუქარაღა დარჩა:

"ეს არის ავტოკრატიული რეჟიმის დაკანონების მცდელობა. ასე შეგვიძლია შევაფასოთ ის განცხადება, რომელიც დღეს ირაკლი კობახიძემ გააკეთა.

ერთადერთი მეთოდი, რომელიც ივანიშვილს ოპოზიციასთან საბრძოლველად დარჩა, ესაა შანტაჟი და მუქარა. ქართული ოცნებისთვის ყველაზე სასურველი იქნება რომ ქვეყანაში საერთოდ არ არსებობდეს განსხვავებული აზრი, არ არსებობდეს პოლიტიკური ოპოზიცია. 8 წელია უკვე ბიძინა ივანიშვილი ემუქრება ერთიან ნაციონალირ მოძრაობას რადარებიდან გაქრობით. თუმცა ყველამ კარგად დაინახა, რომ ჩვენ კიდევ უფრო გავძლოერდით.

რაც შეეხება დაფინანსების შეწყვეტას და პარტიის რეგისტრაციიდან მოხსნას, დიახ ესაა სწორედ ის მეთოდები, რომლითაც პუტინი მართავს რუსეთს და ანალოგიური მეთოდებით ცდილობს ოლიგარქი ებრძოლოს პოლიტიკურ ოპონენტებს. მე მინდა ყველა გავაფრთხილო, ჩვენს მხარდამჭერებს ხმა არ მოუციათ იმისთვის, რომ ლეგიტიმაცია მივცეთ მიტაცებულ არჩევნებს.

ჩვენი გადაწყვეტილება არის მყარი და არ შეიცვლებ. არანაირ ფულზე ეს გადაწყვეტილება არ გაიხვლება. ასეთი მეთოდებით ბრძოლა მწარედ შეუბრუნდება ივანიშვილს მალე" - განუცხადა ნიუპოსტს უდუმაშვილმა.

შეგახსენებთ, რომ დღეს საპარლამენტო უმრავლესობის ლიდერმა ირაკლი კობახიძემ სგანგებო ბრიფინგი გამართა და თქვა, რომ პარლამენტში ინიცირებული კანონპროექტის მიხედვით, იმ პარტიებს, რომლებიც "სრულად არ ითვისებენ საპარლამენტო მანდატებს ან რომელთა მიერ წარდგენილი დეპუტატები არასაპატიო მიზეზით არ ესწრებიან სხდომებს", სახელმწიფო დაფინანსება შეუწყდებათ ან ერთი წლით შეუჩერდებათ.