მეათე მოწვევის ერთპარტიული პარლამენტის პირველი ინიციატივა - ერთ-ერთი პირველი, რასაც დეპუტატების ახალი შემადგენლობა მიიღებს, პატიმრების მასშტაბური გათავისუფლების აქტია.

ამნისტიის კანონპროექტი თითქმის ყველა დამნაშავეს ეხება გარდა მძიმე კრიმინალებისა და პოლიტპატიმრებისა.

ამნისტია არ შეეხება რურუასა და კარტოგრაფების საქმეს, რადგან კანონპროექტში გვერდი აუარეს ზუსტად იმ მუხლებს, რომლებიც რურუას, ილიჩოვას და მელაშვილს აქვთ წაყენებული.

კანონპროექტის ავტორი, სარჯველაძის განცახდებით, ქვეყანაში პოლიტპატიმრები საერთოდ არ არიან. პარლამენტის თავმჯდომარე ამბობს, რომ კანონპროექტი იმისთვის არ არის ინიცირებული, რომ "ოპოზიციას რამე ჟესტი გაუკეთოს" ხელისუფლებამ.

ამნისტიის პროექტის საბოლოოდ დამტკიცებამდე დაგეგმილია განხილვა და მოსმენები, რომელში ჩართვასაც მმართველი პარტია პოლიტიკურ სამთავრობო თუ არასამთავრობო ჯგუფებს სთავაზობს.