სოხუმში ოკუპირებული აფხაზეთის ე.წ. სოფლის მეურნეობის ყოფილი მინისტრი და სოხუმის ყოფილი ე.წ. მერი ადგურ ხარაზია დააკავეს. მას ბრალად ედება ადამიანის დაჭრა და ცეცხლსასროლი იარაღის უკანონო ტარება. აღნიშნული ინფორმაცია ადგილობრივმა მედიამ გაავრცელა.

გავრცელებული ინფორმაციით, 14 დეკემბერს ხარაზიამ ცეცხლსასროლი იარაღით ჭრილობა მიაყენა სოხუმის მცხოვრებს, რომელიც საავადმყოფოში გადაიყვანეს.

სამართალდამცავების ცნობით, ხარაზიამ უკანონოდ შეძენილი იარაღით, რომელსაც ასევე უკანონო დაატარებდა, ქუჩაში პარკირებულ ავტომანქანაში მჯდომ პირს რამდენიმეჯერ ესროლა. მომხდარის სხვა დეტალები უცნობია.

ადგურ ხარაზია ე.წ. სოფლის მეურნეობის მინისტრის თანამდებობას 2002-2203 წლებში იკავებდა. იყო დე ფაქტო პარლამენტის წევრი და 2014 წელს კი სოხუმის მერის თანამდებობას იკავებდა.