დედაქალაქის მერიასთან ამ წუთებში სოლიდარობის აქცია მიმდინარეობს. ადგილზე აქტივისტების გარდა, იმყოფებიან აფრიკის დასახლების ის მცხოვრებლები, რომლებსაც გუშინ ბულდოზერებით სახლები დაუნგრიეს.

აქციის მონაწილეებს ადგილზე პლაკატები აქვთ მოტანილი წარწერებით : "სოლიდარობა აფრიკის დასახლებას" ,"სახლი ყველას" , "თავისუფლება ვანო ფოცხვერაშვილს".

აქტვისტები ითხოვენ ვანო ფოცხვერაშვილის გათავისუფლებას, რომელიც გუშინ დემონტაჟის დროს დაწყებული დაპირისპირების შემდეგ დააკავეს და ამ დრომდე წინასწარი დაკავების იზოლატორშია, ასევე ითხოვენ დაუკანონონ ის ტერიტორიები, სადაც უკვე წლების მძიმე პირობებში უწევთ ცხოვრება.

აქციაზე იმყოფება "ლეიბორისტული პარტიის" წევრი, ლაშა ჩხარტიშვილი. მისი თქმით, მათ აქვს ოთხი მოთხოვნა:

"თუკი სახელმწიფო შეიძლებ 1 ლარად ჩუქნიდეს ივანიშვილს ქონებას, რატომ არ შეიძლება ამ ადამიანებს ჩუქნიდნენ სიმბოლურ ფასად? მითუმეტეს როცა მათ სხვა საკუთრება არ აქვთ. ასევე ვითხოვთ, ვისაც დაუნგრიეს აღუდგინონ და დაკავებული გაათავისუფლონ. ასევე მეოთხე მოთხოვნა - ვინც ვერ მოახერხა და ვერ ააშენა ბინა, მათ დაუფინანსონ და საახალწლო კონცერტების ნაცვლად, ბიუჯეტდან დამატებით 1000 ბინის მშენებლობა იყოს დაფინანსებული - ამბობს ლაშა ჩხარტიშვილი.

დედაქალაქის მერიასთან პოლიციაა მობილიზებული. აქციის მონაწილეებთან შესახვედრად მერიიდან არავინ გამოსულა.